السلام عليكم ورحمه الله وبركاته
العربية هيونداي نيواكسنت 2008
ماشية 67000 كيلو
كانت بتستخدم زيت شل الاصفر طول المده دي وغياره الزيت السابقة كانت زيت شل الاحمر + زيت شمبر (حسب التوصيات)
واخر غيارة زيت حطيت زيت تخليقي كامل لذوجه 5-40 ومش استخدمت فلاش اويل
وماشي بالزيت ده حاليا 640 كيلو
فيها صوت تكتكه زي التاكيهات وهي بارده وبتروح وبتبان تاني لما تفضل سخنه لوقت كبير (الصوت بيبان لما اقف بيها وهيا دايرة ) وعرفت من صاحبها السابق ان الصوت ده من الكستبنات او البلوف لانه كان بيستخدم الزيت لفتره اطول ومش بينزله في مواعيده
ومفيش نقص زيت
حاليا
بالصدفة اول امس
لاحظت ان في دخان ابيض مزرق بيطلع من الشكمان اثناء تسخين العربية بعد ما تكون وقفت بفتره طويلة يعني مثلا انا بسخنها مرتين في اليوم الساعه 7 صباحا والساعه 6 مساء ف كل مره بيطلع الدخان ده
لكن مثلا لو نزلت الساعه 9 بعد ما وصلت الشغل الساعه 8 اسخنها (بتكون بردت ) مش بيطلع دخان
الميكانيكي مش شاف الدخان رحت له مكنش فيه دخان وبيقول لي من بروده الجو بس امبارح تعمدت اني مش اتحرك بها خالص ونزلت دورتها الساعه 1 الظهر برضه طلعت الدخان
ده فيديو صورته النهارده الصبح
هل الدخنه دي طبيعيه ولا فيها مشاكل؟