السلام عليكم ورحمه الله وبركاته
الاعضاء الكرام
طبعا العنوان باين العربية اتحرقت ف الاحداث الاخيرة امام جامعة الازهر .. والسبب عسكرى اعمى ضرب قنبلة الغاز بداخلها وده سبب الاشتعال .. الحمد الله على قضائه
وانا طالب داخل جامعة الازهر .. معرفتش اخرج اجيبها لأنى كنت ببساطة يا اما هموت من الغاز يأما من الخرطوش ..
الكلام ده حصل امبارح يوم الاثنين الساعه 11.30 تقريبا
انا رحت عملت محضر اثبات حالة .. وعملت معاينة وطلعت المعاينة ( تفحم كامل )
سؤالى لحضراتكم دلوقتى انا كنت مجدد الرخصة من شهرين تقريباً .. وكنت عامل التأمين الاجبارى ف ( مصر للتأمين ) ايه اللى المفروض اعمله دلوقتى ؟
هل التأمين يشمل اللى حصل لعربيتى ده ؟
ولو يشمل أروح فين واعمل ايه؟
انا ان شاء الله هروح آخد صورة المحضر من النيابة .. بكرة او يوم الخميس
مش عارف اشيل العربية من مكانها ولا اسيبها ؟
افيدونى افادكم الله ..
جزاكم الله خيرا وده رابط لصورة العربية بيبين حالتها
