ايه الفرق بين لوجان اوتوماتيك 2014 و 2013 و افيو 2014 اوتوماتيك
ازيكو ياشباب
أنا ان شاء الله قررت أجيب عربية وديه أول عربية اجبها ان شاء الله
انا قعدت الف كتير على عربيات حلوة فى حدود 100 ألف جنيه وكنت عايز اجيب اوبتر أو صنى بس كانو فوق ال100 وبعدين فكرت فى افيو بس لقيت مشاكل كتير اوى فيها وبالصدفة كدا كنت بكلم شركة اسأل عن السعر فقالى فيه لوجان وفيها airbag فشفتها فالمنتدى وعجبتنى الصراحة عن افيو كتير اللى مفهاش airbag واغلى من لوجان بحوالى 6000 جنية و كمان عيوبها مش أد كدة و اشيك من أفيو فى رأيى بس انا ملاحظ انها مش منتشرة أوى زى أفيو (انا من طنطا) !!!
فأنا عايز أعرف لوجان اوتوماتيك 2014 ولا افيو 2014 اوتوماتيك ؟؟؟؟
وإيه الفرق بين لوجان 2014 و 2013 ؟؟؟؟؟؟؟
وبعدين هيا قطع غيار لوجان متوفرة فى مصر وخصوصآ فى طنطا ولا لأ ؟؟؟
وهى رخيصة ولا غالية ؟؟
وكمان انتو رأيكو اشترى العربية منين ؟؟ من طنطا (السعر أغلى شوية) ولا من مصر او اسكندرية (ارخص من طنطا) ومن انهى معرض برضو ؟؟ ولو اشترتها من برا طنطا هيبقى فى بهدله او ضرر ولا حاجة ؟؟
معلش طولت عليكوا بس دى أول عربية والواحد برضة لازم يعرف
شكرآ ياجماعة
|