المشاركة الأصلية كتبت بواسطة Hisham.Elgazzar
العوامة او الرداخ الجانبى او خط الراجع يا بشمهندس
|
ليك وحشة والله يا هشام باشا ....
اولا ... الكاربراتير بتاعى ... ملهوش خط راجع .. متسالنيش ازاى ... و ده الى حاولت اقنع الصنايعى بتاع الكربراتيرات بيه ... انه يشوف الراجع فين و يرجع يركبه .. و كالعادة .. نفضلى و طنشنى و قال كلمة الصنايعية المشهورة ... انت حتعلمنى شغلى ؟!
ثانيا ... ايه هو الرداخ الجانبى ده ؟
ثالثا ... و الله انا قلتله العوامة مش مظبوطة ... لو سمحت اظبطها ... فضل يظبط فى العوامة ساعتين ... و بعدين قالى كله تمام .. خرجت من عنده سعيد و مظقطط .... و العربيا راحت شرقت فى نصف الشارع لما هديت علشان اخد مطب
رابعا .. اتصلت بيه و قلت له العربية شرقت .. قالى اصبر دقيقتين و حاول تدورها تانى من غير ما تدوس على الاكسلاتير ...
صبرت 5 دقائق و حاولت ادور اكتر من مرة ... ما دارتش الا لما دوست على الاكسلاتير ... لما وصلت البيت اتصلت بيه تانى و قلت له على الى حصل ...
قالى المشكلة مش من الكاربراتير ... المشكلة يا اما فى طرمبة البنزين ... يا اما فى الكهربا ... عرفت على طول انه بيفتى ... بس انا حبيت اسأل اخواتى فى المنتدى علشان اكون متاكد من استنتاجى
انا سعيد يا هشام باشا انك رديت على موضوعى ... و متغبش علينا كدة
