[AbOnOrA]

العربيه ديه بتنزل من غير استبن فعلاً لتوفير مكان فى الشنطة والمفروض بتنزل بكاوتش رن فلات سعر الفردة حوالى 1500 جنية ولما تبوظ غالباً مبتتصلحش وناشفه جداً بس ده فى صالح ثبات العربيه وعن تجربه الفرده لما بتبوظ صعب جداً تمشى بيها على كدة لان الدريسكيون بيبقى تقيل جداً فهتلاقى نفسك كل ما فردة تبوظ تجرى تجيب بدالها اتنين علشان يبقو شكل وعمر واحد وتخلى عندك واحدة استبن فى البيت وطبعاً لو مسافر ولا حاجة تاخد الاستبن ديه معاك علشان لو حصلك موقف ع الطريق تعرف تغيرها

غير كدة العربيه سعرها غالى اوى ديه المفروض اول فئه ومانيوال و 316 يعنى اصغر موتور فى دنيا البى ام وموتور ضعيف على وزن العربيه وكونها دفع خلفى انا شخصياً مبحبش ال 316 خالص وبعتبر انها شكل البى ام فقط لكن اداء مفيش

كمان السعر ده ممكن يطلبه لو كانت حالة شاذة عداد صغير وزيرو بره وجوة لكن بتقول مخبوطة باب يعنى هترش جنب او باب على الاقل واكصدام كدة مبقتش زيرو فالسعر ده كتير عليها اوى