[tamer.koko]

المشاركة الأصلية كتبت بواسطة Eng/salwa السلام عليكم ورحمة الله وبركاته يا أخى الكريم حضرتك وعدد آخر من الاعضاء المحترمين أيضا استخدمتوا نفس الاسلوب فى النقاش اللى حضرتك بتنتقده وأهنت اخيك العضو المحترم أ/تامر كوكو واستفزيته وتحدثت معه بتريقة وتهكم لدرجة اننى عندما تدخلت لأهدئ بينكم كحق لكم علينا واحنا كلنا مصريين اخوة لا فرق بين معارض ومؤيد للأسف لم أقدر انى اقول أ/تامر غلطان فقط لانكم المدافعون ايضا أخطأتم فى الاسلوب وتدنينا جميعا فى الكلام للاسف عيب علينا كلنا يا مصريين يا مسلمين وغير مسلمين دى بلدنا محتاجة لينا دلوقتى اكتر من اى وقت كلنا هنخسر لا مرسى هينفع ولا سيسى ولا غيرهم احنا فقدنا احترامنا لبعض وثقتنا ببعض جيشنا والمفروض شرطتنا كمان مش أعداءنا احنا كلنا لازم نكون منظومة واحدة مترابطة إتقوا الله يا اخوانى جميعا وكفاية غلط فى بعض واهانات وبعدين بصراحة يا أ/وليد وأ/next123 وكل المدافعون بشدة لو كان د/مرسى له كل هذه الانجازات كان ده مابقاش حالنا وحال البلد وهو نفسه قال لو 10 أفراد خرجوا ومش عاوزينى همشى وقال وعود كتير ولم ينفذها يعنى مرسى لم يكن ملاك ولا رسول من عند رب العباد ده انسان وكان له اخطاء كتيره !!!!!!!! يخرب بيت السياسة اللى عملت فينا كده يخرب بيت الكرسى اللى الكل هيموووت علشانه ولسه هنشوف فى الانتخابات القادمه وربنا يستر يا اخوانى الكرام كونوا عباد الله إخوانا إخوانى المدافعون لازم نعترف ببساطة د/مرسى فشل وجماعته فى حكم مصر ده حتى الخطاب الرئاسى كان يصيبنى بالضغط والسكر من كتر اللخبطة واللف والدوران إخوانى المهاجمون الجيش حبيبنا بس مش عاوزين حكم عسكرى تانى لمصر ولا إييييه نسيتوا ؟؟؟؟؟ تمهلوا جميعا وإهدءوا ونفكر بحيادية وعقل وهدوووووء اللهم ارنا الحق حقا وارزقنا اتباعه وارنا الباطل باطلا وارزقنا اجتنابه

بارك الله فيكي وفي كلام حضرتك المتزن
الاهم بقي ان مش معني كلامي ان عاوز الحكم العسكري ولا حابه اساسا
بس لما يتقارن بمرسي يبقي لأ
مرسي وجماعته مرفوض تماما بالنسبه لي
يبقي نفكر ونتوحد ماشي انا موافق
بس ازاي ويجي يقولك شرعيه ومرسي وانجازاته وكمان يستفزك ويدخلوا يعلمونا الادب والخلاق والدين كمان
يبقي لما نوصل للحظه دي
اعتقد اني بطلت اعبر حد وارد عليه بس بنزل مساؤي الاخوان ومرسي وكله بتريقه وضحك
ميعجبهمش وكمان يستفزك يبقي خلاص ساعتها حلو السيسي وحكم العسكر

وبصراحه يا بشمهندسه انا كل ما حد من العساكر الغلابه دي بيموت ببقي ولا طايق اسمع سيره الارهابي مرسي ولا جماعته ولا طايقهم اساسا
هو الدم حرام عليهم هم بس
ودم العساكر حلال