رد: مخطط تصفيه الثوره ,,
ناشط نطع :
لازم الجيش يحقق لنا العيش و الحرية و العدالة الاجتماعية و القصاص لدم الشهداء و عايزين استقلال وطني و اقتصاد قوي و دولة مؤسسات …
خير ياحبيبي …
تحب كمان يحضر لك رضعة و ييجي ينيمك ?
و لا شويتين شاي كده لحد ما الجيش. ينفذ طلبات جنابك و يرجع?
لما الجيش هو اللي هيعمل كل ده , أمال حضرتك هتعمل ايه ?
و لما انت عايز الجيش هو اللي يعمل كل ده ? ليه طلبنا رئيس المحكمة الدستورية هو اللي يبقي رئيس ?...!
كنا جيبنا رئيس جمهورية عسكري صريح و نقوله نفذ ,
عزيزي الثأئر …
الشعب نزل أنقذ الجيش و البلد في 30 يونيو , و الجيش كان علي قدر المسئولية ووقف الي جانب الشعب و الثوار ,
الجيش جاب رئيس المحكمة الدستورية رئيس جمهورية و البرادعي بتاعك نائب ليه ,
الجيش شال مرسي و كسر شوكة الاخوان وقضي عليهم و في سبيل ده مات و بيموت منه كتير
الجيش هيفضل موجود لحد ما استفتاء الدستور يخلص ووراه الانتخابات البرلمانية و الرئاسية و هيرجع زي ما كان , لأنه اتعلم الدرس و مش عايز يحكم و لا هيحكم ,
مطالبك. بقي انت اللي هتحققها بنفسك ده دورك مش دور الجيش ,
هي ثورتك و لا ثورة الجيش ?
مطالب الثورة مش هتتحقق غير لما الثورة توصل الحكم ,
و الثورة مش هتوصل للحكم الا لما حضرتك تبطل تقول اطالب مش عارف مين بتحقيق ايه , و تنزل تشتغل في الشارع و تكلم الناس عن احلامهم هم مش احلامك انت ,
و هي ابسط بكتير من احلامك بمراحل علي فكرة , بس هم مستنين حد يديهم أمل ان بكرة هيكون احسن و ان احلامهم البسيطة تتحقق , علي الاقل لو مش ليهم يبقي لولادهم .
و اللي هيديهم الامل ده هيبقي في صفه و ضهره شعب عظيم جبار بجد ,
انزل اشتغل في الشارع و حقق مطالبك بنفسك بدل ما قاعد تتوسل و تتسول بيها .
منقول من صفحة كارولوس لاتوف
__________________
من مواضيع kj1 التاريخ الأسود لجماعة الأرهاب الأسود ليه لا وليس نعم مصر الجميلة الغائبة الأن
|