رد: بلية العجلة
ان شاء الله احد الاعضاء يفيد حضرتك اكتر
انا كنت بعمل كدة فى الشاهين ..... كنت برفع العجلة .... و الفها .... لو سمعت صوت نحرة .... يبقى احتمال تكون البلية فيها مشاكل ....
و بعد كدة ... امسك العجلة و اهزها .... فوق و تحت او يمين و شمال ..... لو حسيت ان فيها بوش .... برضو احتمال كبير تكون البلية بدات تبوظ .....
الحل ... حضرتك تفك العجلة .... و تطلع بلى العجلة و تشوفه ... و تبص على السرة برضو
بلى العجل كان حيفرك منى قبل كدة ..... علشان كدة ... كنت بعمل الى ذكرته سابقا ....
لو وجدت ان البلية بدات تبوظ .... او فيها بوش ... كنت بغيرها على طول ....
و لو وجدتها سليمة بغير لها الشحم ... و ارجع اركبها تانى
و فى الغالب .... بلى العجل لو فيه شحم على طول ... بيعيش كتير
معلومة زيادة افتكرتها ..... لو حضرتك حتغير بلى العجل .... تاخد القديمة و توريها للبائع
متبعتش صبى الورشة علشان يشتريلك ... علشان هو متبرمج انه يوفرلك .... فيشتريلك حاجة رخيصة
و البلى حاجة مهمة جدا ... متسترخشس فيها
اعذرنى لو طولت عليك ... بس الى ذكرته ده مشاكل انا وقعت فيها قبل كدة
ربنا يوفقك للى فيه الخير
__________________
|