رد: لخبراء ال 128 و 127
بص يا ريس, أنا هأتكلم من واقع ما سمعته لا ما جربته, لحين رد أحد الإخوة عن تجربة
العربيتين: الـ 127 و الـ 128 متقاربين جداً
الإثنين جر أمامى و ده معناه أنهم على كبالن و الكبالن بتاعتهم مضروبة و بتبوظ بسرعة فى شوارع المحروسة اللى كلها مطبات و تكسير و حفر
الأثنين الشاسية بتاعهم ضعيف و بيفتح (يعنى بيحصل فيه شقوق بسيطة ), بس كنت سمعت إن الريتمو بتفتح أسرع و بعديها الـ 28 و بعدين الـ 27 أقل حاجه
الـ 27 أفضل فى إستهلاك البنزين, بس بتمسك فيها البارومه أسرع من الـ 28 (معرفش ليه)
بوجه عام الـ 127 أفضل لو مش محتاج شنطه, و طبعاً المهم و الأهم هى الحاله ثم الحاله
يعنى لو غالية شوية بس متصانه و صاحبها إيده فيها أول بأول أحسن متجيب حاجه صاحبها مهمل حتى لو أرخص (إللى هتوفرة هتصرف أكتر منه فى الإصلاحات)
بالتوفيق لما فيه الخير
__________________
|