[MohammedAladel]

المشاركة الأصلية كتبت بواسطة AbOnOrA اهوه المشاركة ديه نموذج لنوعيات من الناس انا عن نفسى متمناش يكونو موجودين فى المنتدى ده ولا اى منتدى الراجل حط تجربته بشكل مفصل والناس كلها كلمته اللى معاه العربيه واللى ممعاهوش طالماً رايك مش مع رايه يبقى مستفز وكمان كداب ومش معاه العربيه اصلاً وكل ده على عربيه لا راحت ولا جت امال لو بنتكلم فى المرسيدس والبى ام هتعمل ايه بقى هتضربه بالنار وبعدين ايه اللى مستفزك اوى كدة !! هى ديه اخر عربيه تركبها فى حياتك يعنى وحاسس انك راكب الفئه السبعتاشر يعنى ولايه مش فاهم عربيه زى مليون عربيه عيوبها اكتر من مميزاتها بالنسبة للناس كتير ومشاكلها موجودة فى كل حتة لف المواقع الاجنبية وشوف قبل ما تتكلم هنا كمان وياريتك حتى داخل تتكلم ولا تناقش فى نقاط موضوعية لكن داخل تكذب وتسيىء لغيرك وبس !! بجد حاجة تقرف

أنا معترف بخطئى بفرضى إحتمال كون صاحب الموضوع لا يمتلك السيارة .... ولم أؤكد ذلك ... أنا آسف لصاحب الموضوع

لكن أنت مش من حقك تكلمنى بالأسلوب دا ...ولو كان أسلوبى اللى كلمت بيه عضو غيرك مش عاجبك .... من باب أولى أنك ترد بالحسنى وليس بالسخرية والاستهزاء والتطاول !

ومن ناحية الأستفزاز لأنى قرأت أغلب صفحات الموضوع وأنا قرأت مواضيع كتير شكوى من ميجان ولكن عمرى ما شفت كلام ووصف بالطريقة دى

ميجان عربية محترمة جدا .... وأنا مينفعش أقول عربية لا راحت ولا جت وأنا حدود علمى ... لا تسمح لى أن أتطاول على مهندسى ومصممى سيارة مثل ميجان بكل عيوبها قبل مميزاتها !
أنا بكل بساطة أقدر العلم والإبداع وميجان مثال للفن والإبداع أما كونك بتكره السيارة دى مسألة شخصية لا تستدعيك السخرية منى شخصيا ومع ذلك فى مشاركتى السابقة لم أتحدث عن السيارة أطلاقا !
فعلا أنا مركبتش غير ميجان والحمد لله فضل ونعمة.... ومش لازمانى الفئة ال 71
وأتمنى من الإدارة التعامل مع الموقف بدون تحيز لأى طرف