[AbOnOrA]

السايس وظيفة مصرية قديمة خاصة بالمسئول عن الاحصنه وعربيات الكارو واستخدم نفس المصطلح بعد كدة للمسئول عن ركن السيارات فى المواقف العامة ثم نظراً للحالة الاقتصادية وازدحام المدن بقى فيه السايس التقليدى وديه مهنة اقرب للبلطجة وفرض الاتاوه فكل سايس بيقف فى مكان ياخد فلوس على السماح للناس بالركن فيه وحماية العربيه وده مش فى مصر بس لكن منتشره الظاهرة ديه فى بلاد كتير او بالاحرى فى مدن كتير فى العالم فيها نفس ظروف الازدحام والحالة الاقتصادية زى مدن البرازيل مثلاً
وبالتالى السايس بالشكل ده تعتبر ظاهرة اكتر منها مهنة

لكن الفاليه Valet وهى كلمة انجليزية فرنسية الاصل فهى مهنة قديمة فى الحضارة الغربية وبتكون عباره عن موظف شغال فى فندق او مطعم او غالباً مكان يرتادة الصفوه ومهمتة استقبال رواد المكان وركن سيارتهم نيابة عنهم ثم اعادتها اليهم حال خروجهم وطبعاً الفرق شاسع مابين الفاليه والسايس لان الفاليه موظف فى مكان ليه مرتب وغالباً بيبقاله يونيفورم ويفضل تمتعه بحسن المظهر واللياقه واللباقة على عكس السايس اللى عدة شغله وشه العكر والبشلتين اللى فيه وقدرته على قلب وشه للزبون اللى ميدفعش










واجابه على سؤالك اذا كان ممكن اشتغل فاليه فاعتقد كوظيفه لشاب بيدرس او حديث التخرج هتكون وظيفة ظريفة ومناسبة وطبعاً الشغل عموماً طالماً حلال مش عيب ابداً واشرف مليون مرة من القعاد فى البيت او ع القهاوى