رد: اخوكم محتاج مساعدة فى مشكلة فى الفتيس ارجوكم ...
دية غويشة و تخشينه على سنون الغيار هتلاقى ده مكنش باين اكمنها عايمه فى الزيت القديم و مدارى بلاويها و انت اكيد شوفت الرايش اللى نازل من الفتيس و الراجل بيغير الزيت
و متزعلش ربنا هيعوضك ان شاء الله ان الفتيس هيرجع بعد التصليح و التنضيف لحالته الاصلية و ده شئ ايجابى تكلفة الترس عند الخراط حوالى 180 ج و 40 ج مصنعية و ان شاء الله تطلع بس تخشين و الراجل ينضفها بدون ما يعمل ترس جديد تكلفة الغويشة بسيطة فى 50 ج ولا حاجه الاسعار دية قديمة شوية معلش و لو حبيت تكرم عربيتك هات تيش فتيس و اظبط ريجلاش العصاية و انصحك تبداء ده بالعكس ريجلاش و تشحيم و بعدين تيش و بعدين تفك الحلة بقى و تطلع التروس
الموضوع هياخد 48 ساعة و الميكانيكى حسب صنعته بيحاسبك بس مش هيعدى ال 200 ج طالما بقية التفاصيل سليمة
الزيت الجديد يا ريت تحتفظ بيه و تصفيه لأنه اخد رايش اكيد من العض ده بس حرام يترمى
ربنا يعوضك خير .. متابعين
__________________
|