[الخبييييير]

في بلاد فيها زحمة اكتر من عندنا بس منظمة
بس اللي عندنا احنا مش زحمة احنا عندنا ازمة ضمير
وانانية غريبة واستهتار بارواح وممتلكات الاخرين
شوفت حوادث كتير سببها الاستهتار والانانية وعدم العقلانية في استخدام المركبة
يعني سواق النقل التقيل اللي بيجري على شمال الطريق بسرعة وقدامه عربية ملاكي واحتمال يعني ان الملاكي يهدي او يقف بشكل فجائي تخيلوا المنظر
ليه نسمع عن حوادث كتيير دهس عربيات ملاكي بالنقل التقيل على الطرق الدائرية والصحراوية والزراعية
بلاش دي التقاطعات الحرة في ناس بتستغرب لما ما بخشش فهم ببوز العربية او اقطع عليهم الطريق
لان محدش سمع عن حاجة اسمها اولوية المرور
سواقين الميكروباص حدث ولا حرج جميع انواع الاستهتار والسرعه الا من رحم ربي
الضمييييرر ده بيتكون لما الواحد بيشعر انه اخطأ وده بيجي من خليط التربية والتعليم اذا نشأ الفرد ان حقه بدراعه وانه شاعر بالقهر من البيت والمدرسة والشارع والعمل هاينفس العاهات النفسية اللي بنشوفها في الشارع
اتخنقت فجأة وانا باكتب الكلام ده
لك الله يا مصر