ضبط رجلاش الدبرياج....إزاى؟؟؟
كل عام و أنتم بخير
و عيد سعيد علينا كلنا
--------------
كنت عاوز أطلب منكم طلب (بما إن المنتدى فيه أخى الأستاذ أدهم و ربنا يباركله عامل أحلى شغل و الأحسن أنه مصورة من الألف للياء (لأن معظم شروحاتنا هنا نظرى, أو مدعمة بصور قديمة و أتحذفت و لو فيه فيديو يبقى أجنبى , لذلك كنت بأحلم بحملة فيديوهات صيانة مصرية كاملة زى بتاعة الأستاذ هشام الجزار و الأستاذ أدهم و غيرهم, بس سلسلة كامله).
عاوز أعرف طريقة ضبط مقاس الدبرياج (الدبرياج عالى أو واطى)
أنا أعرف أنه ليه مقاس ( فى كتالوج اللادا 25-35 مم)
الموضوع ممكن يكون بسيط بس أنا حصل معايا موقف :
واحد ميكانيكى معندوش ضمير منه لله نزل تحت العربية و لعب فى الدبرياج بقيت ماشى من غير سحب نهائى, كان عاوزنى أغير طقم دبرياج و مش عاوز العربية تمشى من قدام الورشة, و بصراحه عاندت و زقيتها لميكانيكى تانى بس مش عاوز أقولكم تعبت أد أيه, فمش عاوز أتعرض للموضوع ده تانى.
طبعاً لو فيه صور مع الشرح يا ريت, لو فيديوهات أنجليزى يا سلام, و لو فيديوهات عربى بقى يبقى تتعزموا عندنا.
__________________
|