بسم الله الرحمن الرحيم
أعزائى جميع من شاركونا ومن لم يشاركونا فى المداخلات
كل عام وأنتم بأتم صحة وعافية وفى أحسن حال، ويارب العام القادم يكون أفضل وأكثر خيرا وأمانا على مصرنا وأهلنا وأولادنا وأحبائنا جميعا ، قولوا أمين.
إلى الباشمهندس حمدى:
أعتذر لك إنى لم أبلغك عن عودة الخنقة لأنك بذلت مجهودا كبيرا ولا يمكن إنكار جهدك وفكرك وخبرتك، بارك الله لك وبارك عليك، ونظرا لضيق الوقت ودخول العيد وأنا مسافر تانى غدا إن شاء الله فقلت أجرب بسرعه ونشوف النتيجة ولو منفعتش أهو البوجيهات الواحد شمعه موجوده نركبها تانى لبعد العيد ونجيلك بقى تشوف لها حل. ده كل الموضوع والله على ما أقول شهيد، لو كان فى وقت كنت جيتلك وإنت عارف أنا ساكن بعيد شوية.
أما عن نتيجة ما قمت بعمله فهى كالتالى:
1- دارت الصبح الساعه 6 من أول تكه والحمد لله.
2- السحب عالى والعربية فايقة جدا عن الأول.
3- لا خنقه ولا كتمه عند التهدئه والطلوع تانى، علما بأنى جربت ده على التانى والثالث والرابع كمان، والحمد لله كله تمام التمام.
ولذلك أتقدم بالشكر للجميع لأنه لولا المناقشات والمحاولات والتجارب ما كنا سنصل إلى النتيجة الجيدة هذه.
يبقى نرجع ونؤكد على الأتى بالنسبة للإسبرانزا 516
البوجيهات 3 شمعه
خلوص البوجيهات يتم ضبطها على 30
توكل على الله ودور وإمشى العربية هتبقى تمام التمام
"وفوق كل ذى على عليم"