[adham.com]

السلام عليكم و رحمة الله و بركاته

مشكلتي بإختصار

العجلتين الأماميين مفتوحين من تحت ... المصطلح بتاع المشكلة بلغة بتوع الزوايا (Negative Camber)



عربيتي فيورا 127

طبعا اي حد هيقرأ المشكلة هيقوللي روح لحد بتاع شاسيهات و إفقل الشاسية

أنا عايز أوصل للمشكلة بشكل فني و إيه سببها بالضبط

لو ركزنا في صورة الحوض بتاع الفيات 127





طيب ركزوا بقي هنا
هتلاقوا إن العجل الأمامي
مربوط من فوق بالمساعدين
و مربوط من تحت بالمقصات و الميزان

و في المنتصف أكسات الكبالن






أنا شاكك إن الميزان هو سبب المشكلة
قد يكون الميزان مفتوح مثلا
و لو مفتوح .. طب المقصات راكبة إزاي !!!!!!

ملحوظة أنا حاطط وردتين بين الكوبلن و العجلة الشمال عشان الأكس يدخل كويس في مكانه في الفتيس

يا تري يا شباب حل المشكلة دي إزاي و فين و مين متخصص يقدر يساعدنا في القصة دي
و هل الموضوع يستدعي رفع الموتور من الحوض و لا إيه

بتاع الزوايا قاللي علي فكرة
أفتح البطاحتين من فوق بحيث زوايا العجلتين تكون مضبوطة و أحط ورد قبل الكوبلن

بما إن الفتح اسهل من التقفيل

أو فكرة تانية و دي فاشلة للأسف

(مشقبية للمساعدين و الشمعدان)
يعني توسيع الفتحة اللي تحت في اسفل المساعد بمقاس 19 و نحط المسمار ال17 عادي و بعد الضبط نحط مسمار مزنوق (حشر) عشان يمسك المساعد بالشمعدان