المشاركة الأصلية كتبت بواسطة حسين122
ممكن سعر عربيه شاهين 1300 سي سي موديل 1996 مرفوعه من مده طويله و الكاوتش الأصلي لسه فيها صناعتها تركي فابريكه بره و كوه ماعدا خبطه من الخلف مأثره على اكصدام الخلفي جزء من الشنطه و بويتها فبريكه كلها
و لو ممكن مشوره عن سياره تنفع للشغل معظمه سفر و تكون في نفس حدود السعر
و شكرآ
30-31
ممكن تكون الكيا برايد أفضل لك ومعاها أكسنت وإكسيل ولو تزود ل35000 تركب منهم سيارة متميزة جدا لان دى عربيات سفر وقليلة الاعطال وصيانتها سهلة __________________
السلام عليكم و رحمة الله و بركاته
دكتور / تامر
أنا متشكر جدآ لأهتمامك بالرد علي
لكن حبيت أذكر لك بعض وجهة نظري في السيارة الشاهين و لو ممكن تأكد على كلامي أو تنبهني لشييء بعيد عن نظري
السيارة الشاهين دفع خلفي يعني تتحمل المطبات في بلدنا و تتحمل شيل الشغل
العربية ألي عندي لازم تكون قوية بما يكفي للسفر الكتير و كمان محمله شغل و مظهرها مناسب و مكيفة عشان الحر .
أنا عندي عربية تانيه 127 ببابين مخصصها لشيل الشغل و تسليمه للزباين و على فكره العربية دي مناسبه جدى لشيل الشغل .
لكن الأمر ما يسلمش ممكن ييجي عليا وقت أحمل شغل في العربية التانيه
و مقارنة الشاهين بالأكسنت أو الهيونداي عمومآ تجد أنهم أفضل منها من حيث الشكل و التكييف و لكنها أكثر تحمل منهم بسبب الدفع الخلفي و رخص قطع الغيار
كمان الأكسل أو الأكسنت هيبان أنها موديل قديم لكن الشاهين تقريبآ نفس الشكل من سبعتلاف سنه يعني لو أتروشت و نضفت كويس هيكون مظهرها معقول لكن مش ممتاز ( الروشنه من وجهة نظري أن اتلعربيه تكون على شكلها الأصلي يوم ما طلعت م المصنع مش نواكل و إستيكرات شويه و تتبهدل و خلي شكلها زفت .
لو سمحت تقولي رأيك عشان المسئله مهمه أو ترشحلي سيارة تراها مناسبه بعد ما بلغتك بأهتماماتي
و شكرآ تاني لأهتمامك
و السلام عليكم و رحمة الله و بركاته