[محمد فيصل]

المشاركة الأصلية كتبت بواسطة ibrahim is رقم واحد حد يعرفنى بعد اذنكم ازاى ارفع الصور لانى مش عارف رقم اتنين العربية بحطلها بنزين 92 و ف غطا التانك مكتوب Recommended 92-98 يعنى مش لازم 95 زى مكنا بنسمع ولهذا اود ان الفت نظرك انك بتستخدم اقل مواصفه وقود وهذا سوف يظهر بعد الاستخدام لفترة زمنية ولهذا انصحك بإستخدام 95 ولتكن مرة واحدة ولتخبرنى بما حدث وبما شعرت من خلال قيادتك للسيارة مع الاخذ فى الاعتبار ان بنزين 95 بمصر يساوى 91ron بالخارج بسبب النقاء وتقنية تكرير المنتج والإضافات فى معامل الخارج رقم تلاتة و بعد تجربة يومين مع اليتى كانت ملاحظاتى كالاتى: 1- العفشة تحس انها ناشفة شوية هذة هى حاله عامة لاى سيارة جنط 17 مع طرق بلد العجائب و ف نفس الوقت مش متعبة للركاب 2- العربية عالية عن الارض و طبعا مش عالية لدرجة انك تمشى فوق العماير (بهزر محدش يزعل) لكن يعنى تمشى و انت شايف كل صغيرة و كبيرة ف الطريق 3- اقصى سرعة مشيت بيها 140 و هى عاوزة تجيب اكتر من كده بس يعنى مش عاوز اقرص عليها و لسة عاملة 25 كيلو بس لما مشيت بالسرعة ده ملاحظاتى: - جابت 140 من غير متحس مقارنة بالاوكتافيا 1.6 لانها اخر عربية كنت راكبها - ف عداد rpm اول متبيجى ع 2000 بتطلع ف اقل من ثوانى ل 3000 و 4000 و ف المقابل عداد السرعة بينط فجأة من 40 ل 80 مثلا و ده اعتقد بسبب التربو - لما كنت ع 140 تحس بصوت الهوا بيخبط جامد ف العربية ع عكس الاوكتافيا مش عارف السبب ايه :بسبب الشكل الصندوقى للسيارة حيث انها فئة suv وليست sedan مثل الاوكتافيا او اى سيارة أخرى وهذا ما يسمى بمعامل الايدروديناميكية - الثبات طبعا فوق الوصف بسبب الجنط 17 ده ملاحظاتى لحد دلوقتى معلش انا عارف انى بنقطكم بالتقرير ده بس والله اول مبشوف حاجة جديدة لفتت انتباهى بقولها علطول و اعذرونى ان كانت طريقتى ف كتابة التقرير مملة لكن انا بكتب التقرير ده علشان الكل يستفيد فاعذرونى

لا عليك اسلوب فى التقرير ممتاز
بارك الله لك فى سيارتك وحفظك الرحمن على كل طريق إن شاء الله