سلام عليكم
الجنان ملهوش حدود طقت فى دماغى استفيد من الكونسبت المفيد فى كل جهاز موجود بيزود هواء للعربية
اخدت جزئية دورة التبريد للهواء من التربو شارجر اللى بيركب على الشكمان
اخدت جزئية وجود مرحلتين لجميع الهواء زعنفة للشفط و زعنفة للطرد من السوبر شارجر
اخدت جزئية الاعتماد الكامل على الكهرباء و تخفيض الارتباط الميكانيكى بالمحرك من التربو - سوبر شارجر
دمجت دول فى بعض و اصبح عندنا التيمات شارجر و ده مواصفاته كالتالى
بيتكون من تربنتين تصميمهم مختلف عن اى تربينة معروفة
التربينة الرئيسة عبارة عن تربينة ضخمة ارتفاعها 10 و عدد الريش فيها كبير و مهمتها الوحيدة ضخ اكبر حجم ممكن من الهواء
التربينة الثانوية عبارة عن تربنتين فى بعض واحده ثابته بعدد ريش قليل و بتصميم معين و الاخرى متحركة بعدد ريش كبير و تصميم اخر نفس الفكرة اللى فى تربينة المحرك النفاث
مهمتها الوحيدة شفط الهواء و ضغطه للتربينة الرئيسية " كده حققنا كونسبت الشارجر بشكل جديد و كل تربينة مستقلة عن التانية فى المحرك و التصميم و التغذية الكهربية
الجسم كله من الصاج اسفله مجموعة انابيب معبئة بمية خضراء و ترمبة ميه بتدور المية دية تحت الجسم الصاج على خراطيم المياه دية فى قطعة الكترونية اسمها semiconductor therm cooler عبارة عن شريحة صغيرة لما بيمر فيها كهرباء بتبرد جانب و تسخن جانب و هنا دورها ان الجانب اللى بيبرد متثبت فوق الانابيب تبريدها القياسى 20 درجة ده غير دورة التبريد بقى و بتقوم هنا بدور الراديتور اللى فى التربو شارجر العادى
البوابات المتطرفة و طبعا بما ان الجهاز كله خارج العربية فمن الجيد الاستفادة بزيادة تدفق الهواء مع السرعة و هنا فى بوابتين بيفتحهم و يقفلهم محرك كهربى ايضا وليهم تحكم مستقل
ضيف لكده وجود اير ماس اسفل انبوب خروج الهواء للثيروتل بيقوم بمهمة واحده بيوصل بالكونترولر و الكونتولر بيتحكم فى طرمبة بنزين خارجية لما بيزيد الهواء الداخل الطرمبة دية بتزيد تدفق البنزين و ده مناسب للعربيات الغير مجهزة بالاير ماس اصلا و طبعا توجد ميزة تعطيل هذا النظام و تفعيله
اسيبكم مع الصور : ملاحظة انا رافع الجهاز على كبالن لحد اما اعمله قواعد مناسبة لكن ده ملهوش علاقة بيهم
هرفع قريبا فيديو و شوية كاد توضح تفاصيل اكتر
معلومة سرية : منتظر كام يوم اقيس التفاعل
تحياتى للجميع