[مستر احمد الفهد]

العربية جات وقفت من السخونة ووديتها للميكانيكى غير طرمبة مياه وبوجيهات وكوندنسر وقالى جرب لقيتها تمام والصوت روعة وخفيف ,المهم رحت بيها مشوار للمدينة واهو كله بنجرب عطلت جنب الاستاد ركنتها ,الكلام ده الخميس الساعة 11 ونص قبل منتصف الليل ولانى مؤدب مرضتش اتصل على الميكانيكى ,المهم الجمعة طبعا مظاهرات وقلق رحت المغرب مكان ماهى مركونة لقيت باب الكبوت مفتوح والبطارية مسروقة -ههههههههههه-الغريب فى الامر ان البطارية جديدة ويوم الاربعاء كان اول كشف ليها فى الضمان -الراجل قالى تعال كل شهر اكشف عليها وده كان اول كشف-المهم اتصلت على نقل جا شدنى-والدرس المستفاد اللى كل يوم بمر عليه هو موضوع تامين بطارية السيارة والعياذ بالله من الكسل وعلى الرغم من كمية الاختراعات اللى اصدقائى فى المنتدى ابتكروها الا انى ما نفذتش ولذلك انا بهيب بكل اصدقائى فى المنتدى تامين البطارية وتامين السياره بدل ما نركن العربية كانها قطعة خردة وشكرا