[zing0]

هى الفكرة فى مجملها رائعه, و لكن تطبيقها هنا ليه مميزات و عيوب:
1- هتشجع المهندسين و الخبراء إنهم يكونوا أنشط, و ميغيبوش عننا كتير, و يتابع معاك المشكله من الأول للآخر.
2- هيبقى فيه تخصص, يعنى إللى بيفهم فى حاجه معينه يتكلم و إللى ميفهمش ميتكلمش

بس برضه:
1- هتلغى روح المشاركه و الصحبه إللى هنا فى مصر موتورز, لأن الموضوع بقى خدمه مقابل فلوس
2- هتخلى تعليم المبتدئين للقواعد العامه صعب, يعنى لو واحد زى حالاتى (فى الأول) مكنتش أعرف الفرق بين الكبوت و الإكصدام, علشان تجيبله مهندس يشرحله تغيير أبلاتين و كوندنسر مثلاً. المهندس ممكن ينتحر, مهما إستخدم صور و فيديو و شرح و ... إحنا عندنا ناس فى مصر مبيعرفوش يغيروا فرده الكاوتش لو نامت و يقف جنبها عالطريق يعيط.

- أنا شايف إن نظام مصر موتورز ممتاز بالشكل الحالى, ينقصه فقط.... تفاعل أكتر
يعنى ممكن الواحد يعمل موضوع بمشكله, و يستنى الرد, و يضطر يروح لميكانيكى يفتى شويه, يرجع بعد شهر يلاقى الموضوع لسه محدش رد عليه !!!!

- كمان فى ناس كتيييييير من إخواتنا خبراء و مهندسى المنتدى بيغيبوا عننا فترات طويله, صحيح الدنيا مشاغل و ملاهى و دريم بارك, بس لو حتى ربع ساعه كل يوم تشوف إللى باعت رساله , إللى عنده مشكله جامده, و كله فى ميزان حسناتهم

بجد وحشتونا, و نفسنا نشوف تعليقاتكم ================ AbOnOrA Yahiaashraf mr_astra Hisham ElGazzar Hassanin_Lada Sayed_2077 Cars admire Marlborooo ahmed_gamal777 eng/walaaeldeen M.Tonsy Amr_elsisi Mekkawy sherifabden momen_bondok الشيخ طارق أبوزيد سمير عياد عصام غنايم محمد صلاح القاضى حسام البورسعيدى حمدى مخترع مانيوال بدون دبرياج

و غيرهم كتييييير (مع الإعتذار لمن خانتنى ذاكرتى و لا ننسى فضلهم)