المشاركة الأصلية كتبت بواسطة ReMoZ
عايز اتاكد من حاجه .. يعني الضغط المفروض يكون ٣٢ على طول ولا على حسب؟!
و هل تفرق بين الصيف والشتا ؟
|
لازم الاول تتاكد من الضغط الموصى به لعربيتك حتلاقيه فى دليل المستخدم او على احد القوايم او فى ملصق بدرج التابلوه على حسب العربية بس اكيد فى دليل المستخدم مكتوب
غالبا بيبقى 32 psi
صيفا شتاء
بس لازم الكشف على الضغط عند اقرب واحد من البيت لان الضغط لازم يتظبط و الكاوتش لسة بارد
فيكون بتاع كاوتش على مسافة قريبة جدا من تحرك العربية من تحت البيت لا تزيد المفروض عن 1 كيلومتر و نصف
حنقول مجازا ميكونش ابعد من 3 كم
لانك لو مشيت مشوار بعيد و وقفت تظبط حيبقى المقاس مش مظبوط لان الكاوتش سخن و ضغطه عالى عن الطبيعى و هو بارد
عشان كدا لو انا مسافر و كنت اتحركت مسافة كبيرة و شاكك فى كاوتش من الاربعة بخلى الراجل يكشف على السليم الاول و قوله اللى تلاقيه فوق ال 32 سيبه متنزلوش و اللى اقل من ال 3 السلام اخليه يفضيه خالص و يزوده ل 32 او ل 33
دا غير ان المفروض كل 10 الاف كيلو متر ببدل مكان ال 4 كوتشات لاطالة عمرهم