[احمد على 1999]

المشاركة الأصلية كتبت بواسطة ramy safwt مفيش حد بيشجع تكنولوجى محلية اتذكر من سنة كنت شغال على مشروع لصالح احد معامل علوم الفيزياء باحدى الجامعات الحكومية - بدون ذكر عشان محدش يقول تشهير هتعرف لوحدك انه جامعة -بناء على طلب احد الدكاترة كان المشروع لأعادة تدوير مخلفات الشاشات القديمة CRT البطيخة الكبيرة دية و تصنيع اجهزة علمية متقدمة من الخردة دية يستفيد بيها طلبة الثانوى و الجامعات لأن الاجهزة اللى كان مستهدفها المشروع كانت غالية بشكل مرعب المهم بعد 3 شهور شغل فى المشروع ده كانت بكورة الانتاج اننا عملنا ميكروسكوب الكترونى ثاقب 40 كيلو و بتكنولوجى تحكم فى العينة مبتكرة و تحكم كامل فى العدسات الكهرومغناطيسية و اكمانية نقل الصور للكمبيوتر و معالجتها جينا ندخل ده بقى للجامعة حصل هبل رسمى لأن الفريق ده مش شركة و مش طلبة و متعملش مناقصة ولا مسابقة عشان يختارو مين يدخل قولت مش عاوزين اعتماد فلوس خسارة من ضمن الخسائر حطوه للمعيدين عشان يدربو عليه الطلبة على ما نصنع اجهزة تانية حسب البرانامج بتاع المشروع اللى كان مدته المتوقعة سنة و نص قالو لأ مش هينفع امنيا عشان الاجهزة دية تعتبر مجهولة المصدر طاقم المشروع ده كان اربعة استاذ دكتور و مهندس و مخترع و دكتور باحث و لحد اللحظة دية الجهاز ده مرمى فى معملى من الارض للسقف لا انا عندى نيتروجين ابرد بيه العينات ولا عارف ارنكه فى مكان بسبب حجمه طبعا البرنامج كله توقف و الحكومة تعنتت فى الاعتماد بتاع تجارب الاستاذ الدكتور ده كأنتقام ضمنى ازاى تعمل جهاز احنا بنستورده وبنمصلح من وراه هبر فلوس صاحبى عمل جهاز ينضف رشاشات الموتور بدل اللى موجود فى السوق شركة مصرية للأسف جت عشان تشتريه و تنتجه راحت سرقت الفكرة كلها خد من ده بقى على هذا المنوال

احب اسجل اعجابى بحضرتك .......... ما شاء الله لا قوة الا بالله
و ربنا يصلح حال مصر