[adham.com]

امتى بالظبط الموتور يحتاج عمرة

وقت إحتياج الموتور للعمرة ليس مرتبط بعدد كيلوهات معين
و لكن بالمحافظة علي الموتور بصفة مستمرة و صياناته الدورية

ليه الناس بتخاف من العمرة و بتفضل تشتري استيراد

لأن بعض الصنايعية و ليس كلهم بيعملوا العمرة و مش بتكون مضبوطة و الخراط ممكن يتهاون في بعض الأجزاء و يهمل في ضبطها
و لكن يوجد الكثير من الصنايعية بتعمل عمرة مضبوطة 100% و بدون حدوث اي خلل و لا مشاكل مستقبلية

أحيانا اللجوء لشراء موتور إستيراد يحدث خلل أو الموتور بيرزع بعد فترة
لأن الموتور الأستيراد عامل زي البطيخة لا يعلم بها إلا الله وحده

و أنت و حظك ممكن يطلع الموتور حلو و ممكن يطلع وحش و فيه مشاكل تظهر بعد فترة من الشراء

هل هناك ميكانيكي متخصص لعمل العمرة ولا اي كفتجي و خلاص

في بعض الصنايعية متخصصين طبعا
و في ناس كفتجية
في كل حاجة

نفترض ان العمرة تمت بنجاح و فترة التليين تمت بنجاح، الموتور هيعيش كام الف كيلو بعد العمرة ؟

علي حسب قيادة صاحب السيارة و مدي محافظته علي العربية و إهتمامه بها و الكشف الدوري عليها
ممكن 100000 كيلو و ممكن لحد 500000 و ممكن أكتر
دي حاجة بتاعت ربنا

ممكن اعمل عمرة مرتين لنفس الموتور

ممكن أكتر كمان
في ناس بتقول 3 مرات فقط
و لكن المقصود هنا هو خرط البلوك 3 مرات
و لكن إذا وجد بعض الأجزاء لا تصلح .. أكيد ممكن تجيبها إستيراد

أهم حاجة تكون عارف ميكانيكي فاااااااااااهم كويس
و خرااااط فاهم كويس