المشاركة الأصلية كتبت بواسطة sharpsword
والله رد تمام و انا هحاول اوضح شويه...
بص خلينى اركز على الموتور افضل
عايز تفصيل حسابى لعمره لو انت مثلا ال هتعملها
يعنى مثلا
اجزاء موتور اصليه والاسعار ال انت عارفها
اجرة الخراط ال انت عارفها
وإلخ...
يعنى مش لازم بالظبط لكن بالتقريب القريب
والف الف شكر
وارجو اكون وضحت و لو لسه ياريت تسالنى ال انت عايز تفهمه
|
بص حضرتك انا مش معايا كورولا
معايا لانسر و ياريس و قبلها سويفت و بيجو 505 و فيات 132 و عربيات كتير اوي
لو سألتني عمره اي عربيه من دول تتكلف كام انهادره حقولك ما اعرفش
لان قطعه الغيار الاصلي اللي بركبها امبارح ممكن انهارده انزل اشتريها ما الاقيهاش و اشتري قطعه غيرها
اجره الميكانيكي بتختلف و المخرطه برضه بين يوم و التاني و علي حسب الموتور
فرضا قولت لحضرتك حتتكلف 1500 و تفتح الموتور تلاقي نفسك محتاج تغير طرمبه زيت ب 300 جنيه لوحدها زياده؟؟!!!!!!!
حتي الميكانيكي مش حيعرف يقدر قيمه المصنعيه بتاعه الا لما يفتح الموتور و يشوف الشغل اد ايه؟؟
و غير كده القطع اللي حضرتك بتسأل فيها قليل لما حد يغيرها و لما بيغيرها بيغيرها جمله علي بعضها
يعني لما بتعمل عمره بتجيب بساتم و صبابات و و تروح المخرطه تعمل دليل و تخرط شمايز و حاجات كتير كده من الصعب تلاقي حد عنده بيان بالاسعار الحاجات دي اللي بتتغير مره في العمر او ما تتغيرش خالص.
فمن الافضل ان حضرتك تنزل محل قطع غيار ياباني تسأل علي القطع دي بعد ما الميكانيكي يفك العربيه و تعرف هيا عاوزه ايه بالضبط
و اعتقد انها في افضل الاحوال مش حتقل عن 1500 الي 2000 جنيه ان لم يكن ازيد
و الموتور استيراد بيعمل في حدود ال 3000 جنيه.