رد: كنت في التوكيل فحصت سيارتي ال تيجو 2010 الأتوماتك
p0318 rough road sensor signal error
دا طلع مكلكع بس فعلا كارثة ان التوكيل مش عارف ......... طيب يدونى كتاب العربية و نعرف و نقولهم
على العموم مفيش اختلاف بين كل ماركات العربيات اللى فيها الحساس دا انه عبارة عن حساس بيقيس الاهتزاز الرأسى الناتج عن السير فى طرق وعرة
بس الاختلاف بقى ان الاشارة بتاعته ال ecm بيستفيد بيها فى ايه ؟
فى عربيات وظيفته عشان ميخليش حساس التسقيف يتخدع بسبب المطبات و تأثيرها على تذبذب عزم لى عامود الكرنك
و فى عربيات تانية عشان ال abs ميتخدعش و يفتكر ان فى ظروف تزحلق كاذبة
و فى عربيات تالتة حاجة غير دول و نسيت احتمال التراكشن كنترول
المهم كله يتفق انه لقياس الاهتزازات الرأسية بسبب الطرق الوعرة
و الاقرب للوضع عندك بما انك بتشتكى من كركره
فانا ارجح ان حساس الطرق الوعرة عندك مسئول عن تنبيه ال ecm لعدم الاستجابة لاشارة حساس التسقيف اثناء عبور طريق وعر
فالعكس ممكن يكون هو اللى صحيح ان حساس التسقيف هو اللى سليم بس ال ecm بتستجيب لاشارة حساس التسقيف المخدوع بتذبذب عزم لى عامود الكرنك الطبيعى اثناء المرور على الارض الوعرة و مفيش تصحيح من حساس الارض الوعرة
و الكلام غير منطقى برضه ههههههههههههه لانك ماشى على طريق كويس و برضه بيحصل كدا
فجرب الغى التراكشن كنترول كدا و شوف مشكلة الكركرة حتروح و لا لأ
و لو امكن التوكيل يدوك نسخة الكترونية من كتاب الصيانة كأعتذار ادبى لانهم مسئولين عن التحليل
هنا ناس تقراه و تجيب قرار الموضوع بسهولة
__________________
سبحانك لا علم لنا الا ما علمتنا
|