[AbOnOrA]

انت برضو يا صديقى لو كنت بعتلى مباشرة كنا نسقنا مع بعض افضل ودائماً العمل الجماعى بيبقى انجح
على العموم زى ما قولتلك انا معاك فى كل حاجة بداية من التنسيق الى التسويق للفعالية للرعاة للجوائز وكل حاجة وحتى الفلوس مش قضيه لان عندنا ميزانية عيد ميلاد المنتدى متصرفناش فيها علشان معملناش عيد ميلاد السنة دى نظراً للاحداث فتاكد اول ما الدنيا تتظبط الموضوع كله هيتظبط بسهولة

وموضوع ان العبور برة الحظر ده للاسف مش عملى خالص لان الناس اللى هتيجى مش هتبقى كلها من العبور وممكن يجي اعضاء من محافظات غير القاهرة كمان احنا اللى خلانا نلغى عيد ميلاد المنتدى علشان لاقدر الله محدش من الاعضاء يتعرض لحاجة فى السكة وساعتها لاقدر الله الايفنت كله هيبوظ

ان شاء الله بس الدنيا تستقر وهتلاقنا كلنا فى مصرموتورز بل سوق السيارات كله عايز يشتغل بكل قوة لتعويض فترة الركود اللى فاتت