تعرفنا على رجال و ستات الاسعاف ! والناس بصراحه طيبين و ذوق و روحهم حلوه !
يعنى لا يوجد احساس بالغربه معهم والانجليزى بتاعهم سهل بس لو اتكلموا لغتهم الهولنديه
القديمه طبعآ ولا الهوا ! مهمتى كانت أطلع معهم طلعات اسعاف وأساعد قدر الامكان ! وفعلا
طلعنا لكذا حادثه و رغم انى طبيب و هم ليسوا أطباء و لكنهم كانوا بارعين بس والله ليس عندهم
أى غرور ! يعنى لو أشرت عليهم بشىء بينفذوه على طول ولو قلت لهم لآ يعنى لآ ! ولم أحب
أن أتدخل كثيرآ لآنى ماأعرفش هل مصرح لى كطبيب بالعمل هناك أم لا والواحد كان خايف من
المسئوليه لو حد مات فى ايديه ! و ما أكثر هذه الاحتماليه فى حالات الاسعاف و الحوادث !
واكتشفت ان الاسعاف هناك خاص وليس تابع للحكومه ! وغالى جدآ ! الطلعه بحوالى 2000
جنيه مصرى ! و قد تكون لسبب هايف جدآ ! و كذلك المستشفيات معظمها خاص بس التأمين
بيدفع ! و طبعآ الاسعاف بينقل المصاب الى المستشفى اللى على مزاجه لو فايق أما لو كان مش
فايق ! الاسعاف بيوديه المستشفى اللى على مزاجه هوه ! لذلك عنما تصل الاسعاف الى مستشفى
تقابل بترحاب كبير و يعطونهم بقاشيش سخيه ! وأنا نفسى أكثر من مره أخذت بونات غذاء فى
مطاعم بريتوريا الفاخره ! بس لم أستعمله لآن معى غذائى فكنت بأعطيهم للبنت الحنينه دى ! لآنى
أحسست انها مكافحه وكمان شكلها مش حلو لو أعطيتهم لرجل ! يمكن يطلع للا مؤاخذه مش تمام !
و كما قلنا حوادث الاغتصاب و القتل والخطف على ودنه هناك ! لذلك معظم الناس مسلحه بس
السلاح مش باين ! و تجد على باب المستشفيلت أغرب لافته ممكن تراها و هى ليست ممنوع
التدخين ! و لكن ممنوع دخول السلاح !
ونكمل غدآان شاءالله ! مع قصة الممرضه اللى انخطفت والحكايه من فمها شخصيا !
Dr. Bolbolan ptmnlo123per122
باب مستشفى ( ممنوع دخول السلاح ) !
الاستعداد للانطلاق فى مهمة اسعاف !
العبد لله فى حالة زيادة الوزن !
منظر لمستشفى حكومى فى بريتوريا ( العاصمه ) !
ذئاب أصليه ( مربيها أحد رجال الاسعاف ) فى منزله الخاص !
معارض بيع سيارات مستعمله ( جديده ) فى كل مكان !