السلام عليكم ورحمة الله وبركاته
الحمد لله على سلامتك يابرنس
ربنا ستر وجت على قد كده كله يتعوض اللى بنى ادم
لاتزعل اخى وعوضك على الله
داانا مرة بعدى من مزلقان وكان على شمالى عربية مرسيدس قلاب بتاع محاجر وكنت ماشى على مهلى يعنى اللى ماشى على رجليه يسبقنى
وفجأة فى منتص المزلقان فوجئت بالعربية النقل تكسر عليا جامد طارت المراية الشمال فى لحظة واذا بالكاوتش الدوبل الورانى يصدم جانبى الايسر زى الدبابة ويدمر البابين تماما ولولا انتهاء رصيف المزلفان لاننى وصلت لشريط السكة الحديد لكان فعصى وانا بداخل السيارة
وانا تشهدت على روحى كانى فى فيلم رعب
نزلت من السيارة ووقف السواق الحمار وفوجئت به انه قصير القامة قزعة حوالى متر ونص يعنى يدوب شايف الطرق بالعافية وسايق عربية ضخمة اتاريه ابن التيت كان بيحاول يفادى حفرة او نقرة صغيرة امامه وراح كاسر عليا ..طبعا عمل نفسه عبيط ورفض يدفع اى مليم بس انا طلبت النجدة والضابط قالى اتفاهم معاه لان الدنيا فوضى وموش راح توصل لحاجة
قلت عوضى على الله وكلفنى الاصلاح بابين جداد من الحرفيين ده غير السمكرة ورش العربية
اكتر من اربع الاف جنيه والعربية على الزيرو
الحمد لله ...انى خرجت سليم
واخطر شىء هو خطأ الغير
اللهم احفظنا من شر الطريق ومن كل سوء واجعل بلدنا مصر بلدا امنا مطمئنا