[مصطفى-حسن]

المشاركة الأصلية كتبت بواسطة elghoul10 اولا انا اسف اني غلط في اسم حضرتك وشكرا لاهتمامك بالد عليه اولا باول ولكن احب اوضح لحضرتك الموضوع اولا السقف عندي والحمد لله فبريكه وبالفعل انا عملت زي ماحضرتك عملت من داخل السيارة واتعدلت والحمد لله ولكن بقيت تطبيقات صغيرة يمين وشمال في جوانب منتصف السقف تقريبا ومزعلني اوي بصراحه وحولت اعدلهم من جوة ولكن سماكه السقف من الجنبين لا تصل للضغط عليهم لذلك وجب الوصول لصاج السقف من الداخل مباشرة واعتقد اني مش حنزل السقف خالص كل الانا محتاجه تهويه السقف من الجانبين حتي يتثني لي علي الاقل ادخل ايدي واضغط علي التطبيقتين الموجودتين في السقف ايه رايك واشكرك مرة اخري علي التواصل وفرصه سعيده لمعرفتي بسيادتك

يا اخى الفاضل مفيش داعى للكلام الكبير قوى دة
انت كدة بتحرجنى

بالنسبة للحتت الصغيرة اللى فاضلة فى السقف هقولك على فكرة بسيطة
هات حتة خشبة صغيرة (ايد شاكوش مثلا او ايد مقشة)
ولف عليها من فوق حتة فوطة مثلا (طبقتين او تلاتة)
وبعدين حطها تحت المكان الصغير المنبعج من السقف من تحت الفرش بتاع السقف
وبعدين اضغط لفوق بالعقل
واحدة واحدة هتلاقيها جابت معاك طالما السقف فابريكة ومش واخد معجون
فكرة ايد المقشة ان الضغط يكون مركز فى الاماكن الصغيرة
وفكرة الفوطة انها تمنع اختراق ايد المقشة لفرش السقف
بس خليك حريص عشان متبوظش الفرش بتاع السقف
وجرب وانا متابع معاك
وسعيد بمعرفتك