أنا أرد على المشاركات المحترمة التي تلتزم أدب الحوار فقط
تامر كوكو tamer.koko
بدأت ردك بالشتيمة والقذف
فسامحني أني لن أجاريك في هذا
الأستاذ اللي بيقول إنه قبطي malakmaher
لا تزايد على الوطنية
فالرد على المزايدة هيكون مزايدة
وسهل جداً جداً
لكن أنا أبحث عن حوار هادف
الأستاذ ashraflotfy1
أحترم فيك حوارك المحترم
تسألني هل يعقل أن يقتل الجيش المصريين
أولاً
أنا لست من هواة النقل
موضوعي دايماً بيبقى موضوعي
ثانياً
أنا قلت قبل كده أنا أخويا كان هناك ومشي قبل المجزرة
ولي إتنين معارفي حضروا المجزرة وشافوا القناصة بأم اعينهم
يعني سيبك من الفيديوهات اللي الناس بتغض الطرف عنها
بقلك معارفي وكادوا يقتلون من قناصة الجيش
وصديقي أفلت من الموت بواسطة الداخلية في ميدان النهضة لكن خاله توفاه الله بطلق ناري من الداخلية والبلطجية التابعين لها اللي كانوا واقفين جنبها
أنا عارف إنك يمكن متعرفنيش ومش مضطر تصدقني
لكن أنا بقول الكلام ده معتمد على ثقتي في الأعضاء القدامي اللي أعرفهم من ستة سنوات
نايل ثم أساتذة ثم مصر موتورز
ومن ضمنهم أبو نورا
هذا هو ردي على مسألة هو الجيش قتل ولا لأ
طيب الجيش أنكر ذلك
طبيعي جداً
وهل تعتقد إن الجيش هيطل بيان يعترف فيه بقتل 55 نفس والله الموفق والمستعان
خلينا منطقيين
الجيش لن يعترف بالمجزرة إلا في ظروف خاصة جداً
وستقام بعدها محاكم عسكرية تروح فيها رقاب
مسألة العقيدة القتالية للجيش المصري وبتقول إنك بتتحدث من علم ووظيفة تعطيك هذا الكلام
أنا أيضاً أحد أفراد الجيش المصري
خدمت فيه فترة وعرف بقول إيه
وعارف يعني إيه عقيدة قتالية وهذا الكلام
لكن في النهاية الجيش قدر يخللي بعض أفراده يقتلوا 55 إنسان
إما بتصويرهم على إنهم أعداء الوطن
أو شغل تعبئة معنوية ضدهم إن الإخوان يستاهلوا القتل أكثر من اليهود زي ما بعض الخونة بيقولوا كده الآن في كل مكان
وهذا الرد على بعض النقاط:ـــ
[/COLOR]
المشاركة الأصلية كتبت بواسطة ashraflotfy1
3. من يحاصر وحدة عسكرية سواء كانت نادي أو وحدة مقاتلة فهو يعرض نفسه للضرب بالرصاص الحي لأنه ممنوع في كل دول العالم متقدمة و متخلفة
|
في مصر الثورة إبداء الرأي بالإعتصامات
واللي حلال لبتوع تمرد
حلال للإسلاميين
محاصرة المؤسسات بدأت برجالة السيسي
أو الرجالة اللي السيسي إعتبرهم شعب مصر وإنحاز لهم وإحتقر غيرهم وقتله
المحاصرة بدأت بالقصور الرئاسية في نوفمبر وتكسير الأبواب وإلقاء النار
وبعد صمت الجيش متعمداً
وصمت الشرطة متعمدةً
أصبح الأمر ثوري أن تحاصر مؤسسة من مؤسسات الدولة
فإما أن تمنع على الكل أو تسمح للكل
ونادي الحرس الجمهوري ليس وحدة عسكرية بالمعنى الدقيق
بل هو نادي إجتماعي زي نادي الجزيرة ولكنه يخص الحرس الجمهوري
وفي النهاية طالما السيسي والداخلية بصفتهم حكام البلد الآن وافقوا على محاصرة المؤسسات الرئاسية في نوفمبر
يبقى كله على كله
المشاركة الأصلية كتبت بواسطة ashraflotfy1
4. في أمريكا هناك ثلاث خطوط أمام البيت الأبيض الأول لو تخطيته يضرب عليك غاز, الثاني لو تخطيته يضرب عليك رصاص مطاطي و الثالث لو تخطيته يضرب عليك رصاص حي و ليس لك دية
|
بترد على نفسك بنفسك
يا ريت توصل الكلام ده للسيسي وبلطجية الداخلية
كانوا واقفين يتفرجوا على القصور الرئاسية بتحاصر من شهر نوفمبر وهما في منتهى الخيانة
لدرجة إن بعض البلطجية المؤجرين من رجالة الوطني والإنقاذ ركبوا ونش عشان يخلعوا الباب
مش محتاجة كلام كثير
والصراحة جملتك دي بعتبرها رد على نفسك
المشاركة الأصلية كتبت بواسطة ashraflotfy1
6. المعتصمون بقالهم 5 أيام معتصمين أمام الحرس الجمهوري و لم يتعرض لهم أحد بسؤ يبقي اشمعني اليوم ده بالذات يتم التعرض لهم الا اذا كان هناك من يبيت النية و يخطط لايقاع الجيش بالمعتصمين
|
إشمعنى
تسأل عنها المسئول عن خطة الحرب دي في الجيش
يعني تسأل عنها قائد العملية
المشاركة الأصلية كتبت بواسطة ashraflotfy1
7. هل يعقل أن الجيش يقوم بقتل المعتصمين ساعة الصلاة الا لااذا كان جيش اسرائيل يعني نشغل دماغنا شوية
|
الناس اللي الرصاص مطر عليهم وهما بيصلوا قالولي كده بعضمة لسانهم
يعني شهادة من الواقع
وإنت بتنكر بدون أي سند
ياريتك قبل ما تنكر لو الدماء غالية بصحيح عليك
كنت خدت عربيتك وطلعت الصبح يوم المجزرة على رابعة المستشفى الميداني
وطبعاً عشان توصل لرواية صحيحة
عندك من 500 إلى 1000 مصاب
إسأل منهم 300 بس عشان تقارن وتحكم
لكن طول ما مصادر الإعلام الموجه وقناة العبرية والشئون المعنوية والمتحدث الكذاب
هتفضل تنقل كلامه وخلاص
المشاركة الأصلية كتبت بواسطة ashraflotfy1
8. من يضرب الرصاص معروف أن الفوارغ للطلقات يتم قذفها علي بعد مترين من الضارب و علي يمينه فكيف تصل الفوارغ علي بعد 20 و 30 متر من الجيش و عند المعتصمين ازاي يعني
|
سيادتك كنت موجود وقست المسافات وحللت
يعني ما يؤرقك هو موقع الفوارغ المظروف ؟ !
المشاركة الأصلية كتبت بواسطة ashraflotfy1
9. الجيش ليس عنده خرطوش لأن الجيش لا يستعمل هذا النوع من الطلقات لأن الجيش يقتل العدو لا يصيبه و الا يبقي هبل من الجيش
|
أمال إيه كلامك عن الفوارغ ؟؟؟؟؟؟؟؟؟؟؟؟؟؟ !!!!!!!!!!
ياريتك كنت قريت أي أخبار عن تقرير الطب الشرعي قبل هذا الرد !!
القتلى كله برصاص حي
بص يا باشا على الخبر ده
http://www.shorouknews.com/news/view...d-e31cdf99af65
ولو مش مصدق الخبر
وباحث عن الحقيقة
روح المشرحة وهتعرف الحقيقة بنفسك لو بجد نفسك تعرفها
المشاركة الأصلية كتبت بواسطة ashraflotfy1
10. ما تفسيرك لما يحدث في سيناء الآن بعد هدوء سنة كاملة أيام مرسي و بعده الدنيا تولع و كمان تفجير الغاز الطبيعي رجع تاني و كمان البلطجي المسمي البلتاجي يقول بنفسه أن ما يحدث في سيناء ممكن أن يتوقف تلقائيا لو مرسي رجع تاني يعني الحكاية رد علي عزل الرئيس
|
معرفش
لكن ما أنا متأكد منه إن الناس في سينا والصعيد والعرب الساح الشمالي وغيره عموماً مسلحين من قديم الأزل
وعلى الجيش القوي اللي قتل 57 معتصم أعزل قدام الحرس أنه يروح يحل مشكلة سينا
واللي أعرفه كمان إن التأييد لمرسي على أشده في مناطق العرب سينا و مطروح والواحات بالإضافة للصعيد
وهما حالياً كرامتهم واجعاهم من الإنقلاب العسكري
وواجعاهم من مظاهراتهم اليومية التي يتجاهلها إعلام السيسي تماماً
وأنا أدعوهم للسلمية والصبر والصمود
المشاركة الأصلية كتبت بواسطة ashraflotfy1
11. الانقلاب أن يحكم المنقلب لا أن يؤدي التحية العسكرية للرئيس المدني الجديد و يعمل كوزير تحت قيادة رئيس وزرائه كمان
|
كلنا لدينا عقل
مهما الكلام إتقال
الحاكم الآن هو السيسي
العدلي ما هو إلا صورة أو عروسة بفتل كخدعة من المجلس العسكري عشان ميكررش أخطاء فترته الأولى
المشاركة الأصلية كتبت بواسطة ashraflotfy1
راجع نفسك و تأني قبل كيل الاتهامات للجيش و الفريق السيسي لأنه رجل شريف
|
لا أرى أن من يقتل 57 إنسان في مجزرة هو رجل شريف
ثم يخرج ثلاث مرات أو أكثر هو ومتحدثه ببيانات لا يذكر فيها هؤلاء القتلى
أقسم بالله لو القتلى إسرائيليين لخرج السيسي فور الواقعة ليعرب عن أسفه وعزائه
يعني حتى لو لم تكن يديه مختلطة بدمائهم فتصرفه حتى الآن ينفي عنه كل الشرف ويؤكد أنه لا يهتم بالدماء
فما بالك وأنا متأكد من شهادة أصدقائى أنه هو من قتلهم
عن أي شرف تتحدث
شرف مخضب بدماء العشرات
القادة الشرفاء موجودين في الجيش وعلى إستعداد لذكر أسماء بصفتى خدمت في الجيش
لكن مينفعش طبعاً
لكن السيسي ليس من الشرفاء بعد هذه المجازر
من الآخر بيني وبين السيسي دم أكثر 100 شهيد حتى الآن في رابعة والحرس ونهضة مصر
وإعلام السيسي القذر لم يذكرهم
فاكر حمادة اللي ملوا بيه الإعلام
تفتكر إتعموا الآن
ولا المبلغ المدفوع غطى على كل حاجه
حسبي الله ونعم الوكيل
المشاركة الأصلية كتبت بواسطة ashraflotfy1
لقد قلتم علي عزل الجيش لمبارك و هو الرجل العسكري الأصيل و قائد قوات سابق و بطل من أبطال أكتوبر لكن الشعب ثار ضده و طالب بعزله و نزلت بضعة ملايين للشوارع و قلتم يا أخوان أن ذلك انحياز من الجيش للشعب و لم تسموه انقلاب و لما نزل الشعب [اعداد أكثر بكثير من 25 يناير و طالب بعزل مرسي و استجاب الجيش كما حدث مع مبارك قلتم انقلاب يبقي ازاي يعني تحكموا علي الأمور
|
مبارك تقريباً أجمع الشعب على خلعه
لكن عندما يكون الشعب منقسم الآن
والمحافظات في الصعيد ومطروح وسيناء خارج السيطرة
وكله تأييد لمرسي
والسيسي يحتقرهم حتى الآن ويسميهم في الإعلام الإرهابيين وهذا الإحتقار لن ينمحي من الذاكرة بسهولة ولن يمر مرور الكرام
كذبة السيسي كبيرة
لكن عايزنا نصدقها كمان
يعني هيوصل بينا التابعية له إننا نعترف بالصورة اللي هو بيلتقطها فقط ؟؟
طبعاً المصلحة تبرر أكثر من ذلك
ده السيسي وهو بيصور مظاهرات 30 يونيو
صور الملايين في رابعة وما جاورها على أنها تبعه
ولا دول مش بشر عندكوا في الجيش ؟؟؟؟؟؟ :_ـ-