المشاركة الأصلية كتبت بواسطة كومندا
انا شايف ان السيات معلش يعنى متستهلش انك تتعب نفسك وضيع وقتك وفلوسك فى تعديلات فيها
لان مهما تصرف عليها لو فكرة تبعها مش هتجيب اللى صرفته عليها حتى لو قلت للشارى انك مركبلها متور بورش
فا اللى هتصرفه عليها بيعها احسن وكمل على تمنها وهات حاجه اعلى شويه
|
كلام حضرتك منطقى 100% وعندى وجهة نظر بسيطة
بالنسبة للتعب والمجهود .. انا بحب العربيات وعندى تجربة فى عربيتى الستروين اللى كانت معايا وكنت بعمل معظم الحاجات فيها بنفسى وبستمتع بده .. يعنى مجهود وتعب مرغوبين بالنسبة لى "تقدر تقول هوايه" بالنسبة للفلوس طالما هاتدفع فلوس فى شىء يفيدك يبقى مش خسارة ابدا وخصوصا لو الافادة دى فى تعلية الاداء والاعتمادية على العربية اللى بتركبها بغض النظر عن سعرها فى السوق او حالتها او ماركتها ..او....او.... وطالما العربية تقبل تعديل وهاتبقى افضل وتدى النتيجة المرغوبة يبقى ايه المانع " دفعت فلوس اخدت قدامهم مقابل" هاتقولى بثمن التعديل ممكن تجيب حاجه احسن وتعتمد عليها برضه واداءها هايكون افضل" طبعا وجهة نظر تحترم وسليمة مليون% .. بس بالنسة لى افضل انى اسس حاجه على ايدى واعرف اولها واخرها " طبعا حباً فى كده" احسن ما اجيب حاجه جاهزة ... واللى بيشجعنى على كده انى جايب العربية تقريبا بسعر ارخص من الموبايل بـ 1700 جنية وده لان ماكانش معايا غيرهم حطيت قدامى هدف انى اوضبها واحده واحده ..وطالما هوضب وعلى مهلى ليه ما احسنش من ادائها بتعديل حتى لو فى مجمله مكلف لكن فى النهاية مفيد جدا ويستاهل ...؟؟؟
بالنسبة لنقطة البيع " مافتكرش انى افرط فيها - ابيعها- بعد المجهود والمصاريف ... وللعلم فى الاساس انا مش بعتمد على العربية فى حياتى بصفة عامه بس احب امتلك عربية تنفعنى وقت زنقة يعنى مش بفكر فيها كفلوس استثمرها .... وموضوع سعرها ده اللى اشتريتها بيه لو كنت هاستنى واكمل واجيب حاجه تانية ما كانش هايحصل والفلوس عل الرغم من قلة قيمتها كمبلغ كانت هاتتصرف ... قولت اجيبها وتبقى تحدت ايدى عشان تبقى هدف ابنى عليه الخطوات اللى جاية .. انا مش مجرد مستخدم للعربية لا... انا بحب العربيات عموما والمجال ده حتى ولو بمعلومة اعرفها عنه من غير مايكون معايا عربية
معلش انا رغيت كتيييييييييييييييييييييير جدا وحضرتك شاركت بسطرين رديت عليهم بقصيدة ..هههههههههههههه انا كده بحب المشاركة.. هههههههههههههه
اسف للاطاله