27-06-2013, 06:51 PM
|
 |
|
|
تاريخ التسجيل: Dec 2009
المشاركات: 109,157
|
|
رد: التحايل "الاخوانى"!!
أهم ماجاء في ارتجالات مرسي
الريس زعلان إن الأحزاب مابتحترمش الشباب !!! وكأن الشاب عبد الرحمن هريدي لما انطرد من يومين من (صهره) رئيس مجلس الشورى عشان عبر عن رأيه كان كده بيحترم الشباب !!!
الريس اللى تحت إيده رئيس وزرا !! ووزير داخلية !! وشرطة !! ونائب عام !! مش عارفين يقبضوا على بلطجية جاي يقولنا أساميهم واحد واحد !!!
...
الريس اللى في عهده كل مستشاريه باعوه عشان عين "نائب عام خصوصي" زعلان إن الفلول بيطلعوا براءة !!! على أساس إنه مش من مهام "النائب العام" تقديم مايدينهم !!!
الريس اللى جه بمشروع رئاسي !!! زعلان إن وزيري السياحة والتموين اللي كانوا من حزبي التجمع والوفد مارضيوش يكملوا معاه !!! على أساس إن حزبي التجمع والوفد شركاء ثورة أو شركاء مشروع النهضة !!!
الريس اللى في عهده حيلغي الدعم عشان صندوق النقد الدولي !!! بيقنعنا إن إلغاء الدعم حيرجع الحق لأصحابه !!!
الريس اللى في عهده شفنا أكبر طوابير بنزين بيقنعنا إن تفاصيل المشكلة حلها في توزيع البنزين !!! وكإننا احنا اللى منعناه من إنه يعمل سيستم على 15 محطة في كل محافظة !!!
الريس شايف إنه مابقاش في أنابيب غاز بـ 150 جنية !!! بدليل صور وزير التموين !!!
الريس اللى رئيس وزرائه شاف بلطجية بيسرقوا عند سميراميس ، والشرطة مسكتهم ، والنيابة طلعتهم براءه ، المفروض انه والنائب العام مش مسئولين عن ده !!!
الريس اللى مسئول عن فلوسنا اللى بره لما يطلع ويقول احنا قلنالهم موافقين على اي حاجه انشالله حتى 700 مليون ، بس هما مش راضيين ، المفروض انهم لما يسمعوا الطريقة الهزلية دي في العرض !!! يخافوا !!! ويوافقوا !!!
الريس زعلان إن الغاز مش موجود عشان بيتصدر لإسرائيل وغيرها وعشان كده الكهربا بتقطع !!! ده على اساس اننا انتخبناك عشان يفضل الغاز يتصدر لإسرائيل !!!
الريس شايف اننا عملنا أعظم دساتير العالم !!! بعدها بدقيقة قالك بس مافيش مشاكل نغيره ونعدله !!! حتعدل أعظم دساتير العالم بعد ما اتعمل !!!
الريس شايف إننا في حاجه لضخ دماء الشباب في الحكومة وفي المحافظات !!! ده على أساس إن حزبه نفسه مقتنع بالكلام ده !!! بدليل إن أمين الشباب في حزب الحرية والعدالة "أيمن عبد الغني" عنده 49 سنة !!!
الريس بيسألنا ليه محمود وجدي وزير الداخلية أيام موقعة الجمل ماتقدمش للمحاكمة !!! على أساس إن دي مش مهمة النائب العام بتاعه !!!
الريس شايف مشكلة قطع الكهربا لفترات طولية بسبب إن الواد بياخد 20 جنية عشان ينزل السكينة ويروح فالناس تطق في عيشتها !!! ده ينفع رئيس !!!
الريس قعد يتريق عالقانون ساعتين !!! وانه السبب في ان الفلول كلهم بقوا بره !!! ولما جه يتوعد الوحشين قالك : "حتوعدكوا بالقانون" !!! لا ياراجل !!!
الريس زعلان إن الإعلام ما احتفلش بالآي باد المصري !!! والسيارة المصرية !!! على أساس إن إعلام أمريكا مقطع أوباما فشخرة بتصنيع آي فون 5 !!! وعربيات فورد !!!
الريس أعلن إنه كلف المحافظين بإقالة المتسببين في كل ماسبق !!! هو مايعرفش إن ده بالضبط اللى عاوزينه يحصل يوم 30 يونيو!!! انت تؤمر ياريس
منقول
__________________
من مواضيع kj1 التاريخ الأسود لجماعة الأرهاب الأسود ليه لا وليس نعم مصر الجميلة الغائبة الأن
|