[sherifabden]

المشاركة الأصلية كتبت بواسطة momen_bondok طبعا رجالة وعندهم رجوله ماتت عند كثيرين منا وبعدين حتى لو لم يظهر عليهم سمت للإلتزام كفاية إنهم سمعو كلام المشايخ عن خطر الشيعة وغارو لفعلهم حفل زواج جماعى (يعنى تبادل زوجات) فظهرت عليهم معالم الرجولة وثارو عليهم حتى وإن كان الفعل تم بصورة خاطئة ياباشا لو أنت تعرف يعنى إية شيعة مش هتقول كدة كفاية بقى الله يخليكم إرحمونا فقد طفح الكيل

انتا بتقول ايه يا جدع انتا ؟؟؟
دول مصريين زيي زيك
قال إمام الدعاة فضيلة الشيخ محمد الشعراوي رحمه الله:
كنت أناقش أحد الشباب المتشددين فسألته: هل تفجير ملهى ليلي في إحدى الدول المسلمة حلال أم حرام ؟
فقال لي : طبعا حلال وقتلهم جائز .
فقلت له : لو أنك قتلتهم وهم يعصون الله ما هو مصيرهم ؟
قال : النار طبعاً ..
فقلت له : الشيطان أين يريد أن يأخذهم ؟
فقال: إلى النّار طبعاً
فقلت له : إذن تشتركون أنتم والشيطان في نفس الهدف وهو إدخال النّاس إلى النار !
وذكرت له حديث رسول الله صلى الله عليه وسلم لمّا مرّت جنازة يهودي أخذ الرسول صلى الله عليه وسلم يبكي فقالوا : ما يبكيك يا رسول الله ؟؟ قال : نفس أفلتت منّي إلى النار
فقلت : لاحظ الفرق ان رسول الله صلى الله عليه وسلم الذى يسعى لهداية الناس وإنقاذهم من النار.
أنتم في واد والحبيب محمد صلى الله عليه وسلم في واد !!!
وثانيا لو الموضوع كدا بقا يبقا نقتل اليهود والمسيحين وكل الناس دي ومنسبش غير المسلمين
وانا اتحدى اي واحد في العالم كله انه يطلع نص قراني او حديث شريف صحيح يحلل قتل الشيعة واصحاب الديانات الاخرى
وحسبي الله ونعم الوكيل في المشايخ دول اللي ولعوا الدنيا وقوموا ابناء الوطن الواحد على بعض
وبدل ما الشيوخ دول يهدوا الامور ويحاولوا يصلحوا بين ابناء الوطن الواحد شغالين يشتموا في الشيعة لحد ما حصل اللي حصل

وإن كان الفعل تم بصورة خاطئة

صورة خاطئة توصل لدرجة القتل والذبح والتمثيل بالجثث اللي الاسلام حرم ذلك
وثانيا دلوقتي لما الناس دول يقفوا قدام ربنا يوم القيامة ويتسألوا هما ليه عملوا كدا ؟
تفتكر هما هيقولوا اجابة ترضي المولى عز وجل
والصيع دول باللي عملوه اسائوا الى سمعة الاسلام
تفتكر لما الغرب وامريكا تشوف مسلمين بيقتلوا في شيعة هيقولوا ايه ؟؟
شوية الصيع دول واللي امثالهم هما اللي اساءوا الى الاسلام

لفعلهم حفل زواج جماعى (يعنى تبادل زوجات)

الرسول بيقول من راى منكم منكرا فليغيره بيده فان لم يستطع فبلـسانه ... الى اخر الحديث
ومن شروط تغيير المنكر ان تغييره لا ياتي بمنكر اخر
يعني شوية الصيع البلطجية دول راحوا وقتلوا الشيعة اللي كانوا هناك علشان يغيروا المنكر
ولما غيروا المنكر جابوا منكر اعظم واسوا منه
ولو كل الناس عملت الكلام دا الاسلام في وجهة نظر غير المسلمين هيتحول الى دين ارهاب وقتل لا دين تسامح وعفو
وياريت بلاش نفكر بالطريقة الغبية دي ونعرف سماحة الاسلام الحقيقية
الدين الجميل السمح
اللي يدعوا الى ان جميع الناس يعيشوا في سلام
شوف الرسول صلى الله عليه وسلم عمل ايه في الكفار (اللي عذبوه وشتموه وقتلوا عدد من المسلمين واللي كانوا بيرتكبوا جميع انواع الفواحش اللي تخطر على بالك)
عفا عنهم الرسول عليه الصلاة والسلام
واعتقد حضرتك عارف كل الكلام دا كويس جدا
وانا عاوز اعرف هيا الناس خايفة من الشيعة اوي كدا ليه ؟؟
تفتكر حضرتك ان ممكن المصريين المسلميين يسيبوا دينهم ؟؟