BMW E90 2011
اشتريت من كام يوم E90 320I موديل 2011. المهم سجلت ب 1650 جنيه. تكاليف نقل الملكية و الترخيص 3 سنوات شاملة التأمين الاجباري حوالي 3200 جنيه. الضريبة 3 سنين ب 2780 تقريبا و التأمين الاجباري 360 جنيه تقريبا الي جانب الملفات و الدمغات و الاكراميات طبعا.
المهم رحت BMW أبو رواش عشان ال I-drive قال أغير الزيت. المهم غيرت زيت و فلتر زيت ب 450 جنيه تقريبا. تيل فرامل خلفي ب 1200 جنيه بالحساسات طبعا. غيرت كمان فلتر هوا و الاجمالي 1860 جنيه.
العربية طبعا 2000 CC و الصراحة حكاية و ممتعة جدا في سواقتها. كان عندي قبلها الانترا 2012 طبعا لا مجال للمقارنة لكن الانترا فيها مميزات لا يمكن اغفالها زي الباور طبعا و الوسع و التكييف و أماكن التخزين. ال BMW ما فيهاش باور و لا تكييف مقارنة ب الانترا. و الانترا أعلي بسيط من ال BMW. لكن فرق المشي و المتعة في السواقة يعوض كل حاجة.
يا ريت لو فيه حد عنده معلومات مهمة عن ال BMW يتكرم بذكرها لأني جديد في ال BMW و لسه بستكشف.
|