[engmish]

المشاركة الأصلية كتبت بواسطة AbOnOrA اعتقد زادت عن كدة بس الخبر اليقين تاخدة من الموزع او الوكيل لان الاسعار بتتغير يومياً دلوقتى والمهم تتأكد كمان ان السعر اللى هتحجز بيه هيفضل ثابت لحد الاستلام لانهم دلوقتى ممكن ساعة التسليم يقولك السعر اتغير ولو مش عايز تستلم ع السعر الجديد براحتك

ألف شكر يا أبونورا على الاهتمام الكبير ده، أنا فعلاً كنت سألت من حوالي شهر في توكيل نيسان في مدينة نصر القريب من جامع السلام وكانوا قالولي السعر ده.
وكمان قالي فعلاً على موضوع السعر انه ممكن يتغير وقت التسليم والحساب بيكون بالسعر وقت التسليم (بصراحة حاجة تخنق)، وقالي التسليم في حدود من شهر ونص إلى شهرين.
عشان كده كنت عايز أعرف الـ over price بتاعها للاستلام الفوري كام؟
الغريبة إني لما فتحت الكبوت وبصيت عليه حسيت إني شايف الأرض، ولما سألته قالي إن مفيش غطاء تحت الموتور، بس في بار صلب في نص العربية هو ده الحماية.
هل صحيح الكلام ده ولا هو مكانش فاهم؟ وهل ده هيفرق في حاجة؟