بص يا باشا ركز دماغك الاول
نبص على الاساسيات وبعدين الكماليات
اولا الار بى ام على 2000 فعلا عالى وهياكل منك بنزين (لو استمر على حاله بعد ما تسخن العربيه).
وده ممكن اى حد ميكانيكى يعملهولك او انت تعمله لوحدك (هتلاقى بكره بتدور ورا الكربراتير) بس يفضل انك بقه تظبظ الكهرباء (الاسبراتير) (بيقعد يعلى ويوطى البكره مع الاسبراتير لغايه ما يوصل لاحسن صوت للمكنه وبعدين يوطى المكنه لغايه ما توصل لار بى ام 1000 مثلا)لازم ميكانيكى فاهم يعملها احسن لك.
دى مش كيا برايد بس بيوريك مكان البكره اللى ممكن تلفها
مساعدين الكيا ده برضه حاجه اساسيه وما يتسكتش عليها بس ليه عاوز تغيرهم وكمان هل الامامى ولا الخلفى , لو الامامى لازم فورا لانهم شايلين المكنه وما ينفعش تسافر بيهم كده
وبعدين حاول تخلص الحاجات الاساسيه دى الاول وارفعلنا صوره للعربيه فى موضوع مستقل والناس كلها ان شاء الله تساعدك فى تظبيط الشكل