[CarMania]

السلام عليكم ورحمة الله وبركاته
ازيكم يا رجاله المنتدى .... ان شاء الله دايما بخير

انا كان عندى استفسار
انا معايا عربية مانويل.ولسة جديد فى السواقة.
وانهاردة وانا سايق ومش واخد بالى ايدي خبطت دراع الفتيس وخرجتها من تعشيقة الغيار وسمعت صوت تنعير جامد. اكيد طبعا جى من علبة التروس.
ولحقت نفسى ودست دبرياج وعدلت الدراع.
وقبل كدا بردة ايدى خبطت الدراع وكنت نازل من على كوبرى وممور العربية وطبعا الدراع اتزق ناحية الغيار التالت وبردة سمعت صوت التنعير.

انا عارف طبعا ان دا غلط منى انا. بس انتوا عارفين التوتر بتاع مبتدئ السواقة
السؤال بقة. ايه هوا مدى ضرر الموضوع دا على العربية؟

واكيد ان شاء الله هحاول اركز اكتر فيما بعد .... بحيث ان مش يحصل كدا تانى
واشكركم مقدما