من اول يوم دخلت فيه مصر موتورز حسيت بالحب والتفاهم بين جميع الاعضاء وفعلا كل واحد بيحب يخدم التاني بحب وتفاني ودا شجعني استمر في هذا المنتدي دون غيرة
وعشان كل الحجات الحلوة اللي لقيتها علي المنتدي تخلي الواحد يشعر بالمسئولية تجاه هذا المنتدي واعضاء هذا المنتدي – انت موظف حكومة ليك مرتب ثابت و عايز تقسط هذا المبلغ (4000 جنية) وهو فعلا مبالغ فيه جدا (راي شخصي) – فما بالك بالفني اللي بيبيع دهب امه ولا يبيع دهب خطيبته او مراتة او يرهن حاجة في بيتة او يبيع حاجة من بيته عشان ياخد كورس ويتعلم حاجة يقدر يصرف منها علي ابوه وامه او علي اهل بيته – هنا يجي دورنا لازم نضع كل الحقائق امام عنيه عشان يقدر ياخد قرار ويدبر اموره.
مبلغ 4000 في ظل ظروف البلد – والوضع الحالي مبلغ مش بسيط دا ممكن يفتح بيت لمده سنه او اكثر
راي شخصي : هذا الكورس لاصحاب السيارت البي ام دبليو فقط – عشان يتعرفوا علي السياره والاوبشن الكثير الموجودة فيها وانا قلت اني دخلت علي موقع البافارية و ملقتش اي حاجة عن الكورس وبالمناسبة انا حاولت اتصل بيهم امبارح بس اتشغلت طول اليوم – ياريت الناس نحاول تتصل بالبافارية وتتأكد من الموضوع دا.
انا ما زلت عند رأي مكنش ينفع تقول كده والغريبة انك بتسأل سؤالين في ردك علي الرغم ان الموضوع واضح ومش محتاج اي تعليق تاني – عفي الله عما سلف – واهلا بيك اخ عزيز.
واي فني عايز ياخد كورس عشان يفتح بيه بيت ياريت ياخد كورس متخصص احسن في الموتور فقط او الفتيس فقط او.... الخ عشان يتعلم حاجة تفيدة ويقدر فعلا يصلح عربيات الناس – وبلاش يمشي ورا الشهادات الدولية والعالمية دي – احنا مش هنشتغل في ناسا.
ودا راي شخصي – بدون اي سوء نيه نهائي ولوجه الله ولحبي لوطني و لأعضاء المنتدي الكرام – وكل عام ومصر بخير.
__________________
............
الله العظيم أعلي وأعلم
اللهُــم يا فارج الهَم, ويا كاشف الغــــم, فرّج همّــي, وفُك كربي, واغفر ذنبي , وارزقنــي من حيثُ لا احتسب
ما شاء الله تبارك الله ما شاء الله لا قوة إلا بالله , اللهم إني أسالك الهدى والتقى والعفاف والغنى
اللهم لا أضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولاقوة إلابك
لا نفع للمال اذا كانت النفس فقيرة ولا ضرر من الفقر اذا كانت النفس غنية
Its easy taking it apart. But getting it back together is another story
.