[AbOnOrA]

يااسمك ايه حجكم كلها خايبة ومتستاهلش الرد عليها بس الكلام للناس اللى عايزة تفهم
من وجودى فى الشارع ومشاهدتى لاحداث كتير اللى بيحرقو ويضربو 3 انواع من الناس وكلهم على بعض مش كتير على فكرة وميمثلوش الا نفسهم وهم

1- مخربين تبعكم والداخلية سايبهم بمزاجها
2- مخربين تبع الداخلية وبرضو سايباهم بمزاجها
3- بعض الشباب الصغير فى العمر او المندفع بزيادة

لكن الاغلبية لا عايزين يكسرو ولا يحرقو ولا يضربو لان من ديه اهدافنا ولا ديه اساليبنا

ثانية انا وناس كتير بتحترم البرادعى مش لشخصة لكن لانه راجل صاحب مبادىء ثابته سواء اتفقت معاه فى بعض افكارة او انكرت بعضها فهو مش نبى ولا معصوم ولا مرشد لكن فى ميزان المبادىء راجل ثابت فى كلامة ومواقفة ومش انتهازى زي جماعتك

وبالتالى لما البرادعى يقول مفيهاش حاجة يبقى فيه معبد بوذى انا اختلف معاه لكن احترم رأية
لكن لما بلبوص يقول بوذى نبى واليهود يرجعو مصر انا مقدرش احترم رأية ولا احترمة هو نفسه لانه عارف انه متلون وكذاب والدليل اهوه فى افعال جماعته كل يوم اللى دايماً على النقيض من وعودهم وشعارتهم