رد: مين نازل يوم 30|6 ؟؟؟؟؟
السلام عليكم ورحمة الله وبركاته جميعا المؤيدون والمعارضون للرئيس د/مرسى
أنا بقه عن نفسى ومع إحترامى لدكتور /مرسى
معترضه على اسلوبه وطريقته الفاشلة فى حكم البلد من الالف الى الياء
وملأت إستمارة تمرد اليوم امام نادى 6 اكتوبر
بس مش هنزل كسيدة بحترم نفسى من البهدلة وقلة الادب للاسف
وبرضة أولادى ربنا يسترها عليهم نازلين مع أصدقائهم سلميا وربنا يحفظهم
اوضاع البلد داخليا وخارجيا أصبحت مبكية ولا اوجد وصف لما وصلنا له من إنحطاط
فى كل شئ وعانيت انا شخصيا من خدمات الصحة والمستشفيات وغيره من التعليم
ووزير الثقافة الجديد وغلاء الاسعار الرهيب
الفقراء اللى إزداوا فقرا وبؤسا
البراءات اللى بالجملة فى المحاكمات
الجنود اللى رجعوا بغموض ولا نعرف مين الخاطف
الجنود والظباط المختفين حتى الآن
المؤتمر الغريب اللى عمله مع المسمين بالجهاديين وقتلة السادات لتهديدنا وإخافتنا
غموض
غموض
فشل فشل فشل نستنى 3 سنوات تانى على ايه ما الجواب باين من عنوانه
وهو لو كان فيه امل كان ظهر على مدار العام
أنا ما كانش كلامى كده فى الاول وكنت دائما بقول نصبر نصبر بس بصراحة صبرى نفذ
ولولا ان الانتخابات الرئاسية وصلت بنا الى الطريق المسدود بين مرسى وشفيق
كنت لم انتخب مرسى أبدا
الأخوان اثبتوا فشلهم الزريع وربنا يسترها على اولادنا يوم 30 يونيو
واخدين الاسلام والدين ستار
يا ريتهم قالوا نطبق الشريعة مثلا كنت احترمتهم
ولكنهم
اهدافهم ملتوية واقاويلهم كاذبة ولف ودوران وقول ثم عكسه
ويقولوا كله من الاعلام وهو احنا مالناش عين وآذن لنرى ونسمع ما حولنا
زهقنا بقه
تمرد وربنا يسترها معانا وانتخابات مبكرة وانا واثقة لو د/مرسى رشح نفسة تانى لن يكسب
يبدو ان مشروع النهضه ل د/مرسى كان هدفه بناء سد النهضة لأثيوبيا
كل يوم بكتشف انى مش فاهمة مشروع النهضة كويس
كهرباء
مياه
بنزين
سولار
صحة
ثقافة
تعليم
غلاء
براءات متهمين
الخ
الخ
الخ
نهضة يا دنيا نهضة
__________________
اللهم ياجامع الناس ليوم لا ريب فيه اجمع على ضآلتى
سبحان الله وبحمده سبحان الله العظيم
|