[محمد صالح - المحامى]

المواطن
لو وقفت فى الزحمة اربع ساعات وانت راجع من شغلك اوعى تصدق لانك اصلا فى بيتكم بس الاعلام الفاسد هو اللى مصورلك ان الدنيا زحمة

لو سواق الميكروباص بلطج عليك وخد منك الاجرة مضاعفة اوعى تصدق انت دفعت الاجرة العادية بس الاعلام الفاسد هو اللى مصورلك الكلام ده

لو شفت طابور عربيات طوله 4 كيلو واقف قدام بنزينة مستنى يمون اوعى تصدق دول واقفين بياشمسوا بس الاعلام الفاسد هو اللى مصورك كده

لو طلع عليك بلطجية وثبتوك فى الشارع اتأكد انهم فوتوشوب والاعلام الفاسد هو اللى مصورلك كده

ولو حد كان ضحك عليك وقالك احنا عندنا رئيس قوله اخرس ده الاعلام الفاسد هو اللى بيقول كده