رد: السلام عليكم انا عضو جديد لانج مرشد سياحى
اهلاً بيك يا استاذ هانى فى اسرتنا مصرموتورز اخوك وائل مجدى (ابونوراً)
الفوكس عربية جميلة بتفكرنى دائماً بالفيكترا الاتنين استفادو من المدرستين الامريكية والالمانية
بس حب العربيات حاجة والركوب حاجة تانية يا ابن الحلال
فانت لما تيجى تركب زى الجواز بالظبط اختار اللى تريحك وتناسبك
وعلشان نفكر معاك لازم تحدد ميزانيتك قد ايه (تمن العربيه وتكاليف صيانة واصلاح وغيرة)
ونشوف من البدائل المتاحة فى الرينج ده ما يناسب طبيعة استخدامك واولوياتك
اما لو كنت حسمت قرارك بشكل نهائى فحددلنا بتسأل عن ايه بخصوص العربيه بالظبط وتأكد لو حد عارف مش هتاخر فى افادتك ان شاء الله
ولو ملكش سؤال عن العربيه تحديداً وعايز عربيه للبيع يبقى انسب تعمل موضوع فى ساحة البيع والشراء
وتحت امرك فى اى استفسار
__________________
اخر موضوعاتى
قريباً تقرير وتجربة اداء دايهاتسو تريوس * تويوتا راش
|