[memodina1]

اولا لازم اشكركم على الرد والتفاعل

المشاركة الأصلية كتبت بواسطة sherif sadeek السلام عليكم مش لازم يكون غير اصلى معظم الشركات ليها مصانع هناك وممكن يكون طراز اللى قبل كدة مش2013 ومدام العربيه كويسه والاداء لم يختلف يبقى مفيش مشاكل

هو الحمد لله مفيش مشاكل منة وسافرت بية بليل مرة حوالى 250 كيلو ورجعت الظهر حوالى 250 كيلو والحرارة طبيعية بس اللى قلقنى شوية انى بقول هو عشان جديد مش عامل مشاكل ...؟ ربنا يسهل

المشاركة الأصلية كتبت بواسطة abocamra عربيتك مانيوال ولا اتوماتيك هو الريداتير الاوتواماتيك بيركب مانيوال عادى انما المانيوال لازم عربيه مانيوال اتاكد من النقطه دى تانى حاجه اوصفلى كده شكل الكرتونه بتاعه الريداتير او التكت اللى على الكرتونه

للاسف مدنيش كرتونة مع انى مع كل صيانة بيدينى حتى كرتونة فلتر البنزين وهو دا اللى مشكشنى بنسبة كبيرة وهو الخاص بالمانيوال انا متاكد باذن الله لانى عارف ريداتير الاتوماتيك ومش مختلف كثير عن نظيرة المانيوال ...؟

المشاركة الأصلية كتبت بواسطة احمد على 1999 اعتبره شهادة مصداقية مع التوكيل لو حصله حاجة يبقى خلاص

يا استاذ احمد ينفعل مثلا انى ارجع للتوكيل بالفاتورة لو حصلة حاجة على المدى البعيد مثلا 6 او 9 شهور ولا بالسلامة لانة بقالة كدة معايا حوالى شهرين

هو مفيش مشاكل بفضل الله غير انة القربة عندى بتنقص حوالى نصف كوب شاى او اكثر بقليل كل حوالى 5000 او كل 3 الى 4 شهور ودا كان عندى فى الريداتير القديم حتى قبل ما يبوظ
ومفيش تسريب او خراطيم قديمة كل الخراطيم جديدة ومشيك عليهم الثلاثة بنفسى ومتغيرين من حوالى 5 شهور مش اكثر والافيز جديد وفبريقة من التوكيل كل المشكلة غطا القربة مهوى شوية لكن مبيطلعش مية حوالينة الا نادر وقليل جدا...؟

شكرا لكم جميعا واتمنى التفاعل