السلام عليكم ورحمة الله
فى موضوع عايز اخد رايكم فية بعد اذنكم
انا كان عندى مشاكل فى الريداتير وكانت العمة باظت وبقى بيجيب مية ودا الاصلى بتاع العربية قعد معايا 7 سنوات بخير وسلام وانا اللى بوظتة اصلا
المهم
رحت التوكييل وغيرتة بواحد جديد لانة منفعش بيصلح تانى وادانى فاتورة بية وكلة تمام ورحت جربتة والمية كويسة فية والتبريد تمام وكويس والمؤشر فى حالتة الطبيعية والتكييف حلو ومشيت سافرت بالعربية عادى وبجيب 140 عادى
ندخل فى الجد قلت لما ابص على الرداتير واشوفة كويس قعدت ادور على علامة هيونداى ملقتهاش استغربت رحت لموزع عندنا معتمد وقلتة ورينى الاصلى اللى عندك ملقتش علية علامة ولكن لقيتة غير اللى عندى زى كلبسة زيادة ومثلا الورة اللى بتركب عليها المروحة تخينة شوية ولقيت علية كلمتين انجليزى وكمان جاى معاة الغطا بتاعة رغم انى سالت التوكيل على الغطا قالى مبيتبعش معاة
والمهندس اللى هناك عارفنى وتعاملت معاة فى العربية وبقالى معاة فى الصيانات حوالى 8 مرات
رحتلة فى التوكيل قالى دا الاصلى وحوار وصدقنى ...!
ورحت لواحد قلت اسال علية وقالى دا صينى بس خامتة كويسة وحلو مش وحش
انا مش عارف اعمل اية المهندس اللى هناك عارفنى ولو اتعاملت قانونى هيبقى فى احراج
وازاى توكيل يدى قطعة غيار صينى او تقليد
وهل الصينى دا كويس وشغال ولا ممكن يجهد العربية من حيث خامتة فى الالمونيوم وحشة مثلا فتجهد المراوح ولا اية
الملحوظات اللى عندى العربية كويسة سحب كويس تكييف كويس الحمد لله
المؤشر فى النصف حتى لو قرصت عليها عادى
افيدونى اعمل اية وهل ممكن يطلع كورى اصلى وانا اللى غلطان مع انى شفت كذا عربية فيرنا 2013 وقارنت لقيت اللى عند الموزع هو هو اللى فى العربيات وانا اللى مختلف شوية زى ماقلت كلمتين انجليزى على العلبة والورد سميككة وعندى رفيعة شوية وكدة .....!؟
اعمل اية