[حسين122]

يا جماعه
أنا و الله حصلي موضوع قريب من كده
جاري جه يوم و قالي عندك حد تعرفه بيفهم في حكايه السحر و العفاريت ؟؟
قلت له في أيه؟
قالي أختي فقدت الذاكرة تمامآ و بتقول أن حد قالها و هيه بتصلي أن أبنها مات و لما جبناه عندها قالت ده مش أبني و مش عارفه عيالها و لا جوزها و لا أبوها
و رافضه تاكل بتقول ربنا قالها ماتكليش أنتي خلاص هتموتي
و متضايقه من حزن ألأبوها عليها و بتقول الراجل ده طول النهار يعيط ليه ؟ هيه مش عارفاه
و جوزها عرضها على كبار الدكاتره المستشفيات العسكريه كلهم قالو مفيهاش حاجه
المهم
كنت اعرف واحد بيعمل الشغلانه دي و لكنه بطلها من زمان
قابلته في الجامع عرفته بالموضوع
قالي هكتب لك كلام تقراه عليها و لو فيها حاجه هتبان
قلتله نعم يا خويا و لو في حاجه أنا هأعمل أيه وقتها
المهم
قالي نتفق على ميعاد تجيبها و معاها زوجها أو أي حد من محارمها
بس الميعاد ميعاد
يعني لازم تأكد عليا لأن المكان بيحتاج تجهيز!!!!
يعني تحصين من الحجات دي
و هوه بيعمل الموضوع ده و دي بالمجان لأنه بسم الله ماشاء الله تاجر كبير
المهم جه في اليوم الموعود أخوها و جوزها و هيه و أختها تقريبآ كانت معاهم
أنا بصراحه محضرتش لا أنا و لا أخوها
فضلت في مكتبي مع أخوها ( جاري )
الراجل وفقآ للوصف قرا قرآن على ميه و طلب منها تشربها
ده ألي أنا عرفته بس
المهم
و هيه نازله من عنده على السلم
كلمت جوزها و نادته بأسمه
روحت البيت قالت لهم أنا عايزه أنام
نامت كتير و صحيت عاديه جدآ جدآ
و فاكره كل حاجه
و قالت أنها كانت شاعره بكل حاجه بس مش عارفه تتصرف أزاي
كأنها كانت في حلم

الراجل قالي أنه مكنش عندها لبس أو مس أو غيره بس كان في نفس في أكلها
يعني حسد
و بالرجوع للأحداث التي سبقت هذه الواقعه
عرفت أن جاره لها دخلت عليها و هيه بتاكل و مدحت بياضها و و و و

و قد كان

و الحمد لله رب العالمين

ptmnlo123per122