المشاركة الأصلية كتبت بواسطة tamer.koko
اكبر دليل علي انك مش اخوان انك مسيبتش كلمه في المشاركه بتاعتي ومعلقتش عليها
والدليل التاني انك برده مش اخوان في اخر المشاركه قولت طالما بنفترض فيكم حسن النيه انتم مين بقي اللي بتفترضوا انتم اللي هو انت ولا حرف ال ن ده جه غلط ولا ايه
وعارف لو بتكلم مع الشاطر برده هيرد يقول الكلمه المعتاده انا مش اخوان
وبما اني جمعتك معاهم وزعلت فعذرا
ولكن بما انك رديت علي نفسك وقولت انه مش عيب ولا حاجه يبقي مفيش عذرا
اما موضوع اني مش متخصص ورأيي لا هيزود ولا هينقص فدي حقيقه
وانا اساسا مقولتش رائئ انا قولت اني مبقتش بسمعهم انت اللي بترد وخلاص
اما موضوع الانسان المخلص الفاعل يتفاعل معاهم فده انت حر فيه خليك انت مخلص ووطني واتفاعل معاهم
متجمعش زي ما انا عدلت مشاركتي وقولت عشان اكون صادق فهتكلم عن نفسي
موضوع بقي اني سلبي و برامج النواحه وتكرير الكلام واللطم وراهم فاكيد اذا كنت انا بعمل كده وانا بتفرج علي البرامج العلمانيه الفاجره اللي مبتعجبكوش
فاكيد المقابل بتاعه انكم برده بتلطم وتنوح وتكرر كلام القنوات المقربه اليكم زي القنوات التي تسمي دينيه وقناه مصر 25 المحببه
وسبب اني بقول مبتعجبكوش واليكم
رد فعل طبيعي علي كلمه انكم ببتفترضوا فينا الاخلاص
ومن يقول انكم تلطمون وتنوحون هم اللاطمون المنوحون
علي غرار من يقول ان مصر هتفلس هم المفلسون
|
في موجة ماشية في البلد من فترة
عشان تثبت إنك مش إخوان لازم تشتم الإخوان وتطول لسانك عليهم
لكن أنا واحد من الناس الإبتزاز ده مش بيقدر يجبرني أنجر لشتيمة الإخوان عشان الطرف الآخر ينبسط ويعطيني كارت الغفران إني مش من الإخوان
وكوني مش إخوان فهذه حقيقة
لكن تخيل إن لو حد حاول مجرد حاول إنه يخلع الرئيس مرسي قبل مرور فترة رئاستة أنا هكون أول واحد جنب الرئيس مرسي
لو الآخرين أصروا على الدخول في مهاترات تمرد التي ستوصل لحرب أهلية أنا جاهز لهم لو بدؤوا بالحرب
سياسة الرئيس مرسي مش عاجباني
لكن مش لازم عشان أعارضه أبقى سافل ووضيع وحقير زي المذيع يوسف الحسيني
الحقيقة بقابل ناس كثير في الواقع بيكرروا نفس مشاركتك
طالما أنا لساني مش قذر مع مرسي والإخوان يبقى أنا إخواني
الحقيقة المعارضة اللي يبقى رمز الولاء ليها هو شتيمة الآخر وتجاوز حدود الأدب والتربية معاه هي معارضه من العار الإنتساب لها
الغريب إنك زعلان إني قلت أني أفترض في الطرفين الإخلاص (مرسي والمعارضة)
مش عارف قصدك إيه ؟؟
المفروض نفترض فيكم وفيهم حاجة تانية !!
متخليك منطقي شوية يا باشا عشان نقدر نتحاور
-