[sherifabden]

بسم الله الرحمن الرحيم
طبعا انا قررت اعمل الموضوع دا علشان التشابه الكبير بين موديلات البي ام دبليو المختلفة
وانا هقتصر الموضوع دا على موديلات ال2013
هنبدا الاول بالعربيات السيدان

الفئة الاولى



تمييزها سهل جدا لانه العربية الوحيدة الهاتشباك في موديلات البي ام دبليو

الفئة الثالثة



المميز فيها تصميم الفوانيس لانه شيك وانيق والصورة بتبين كدا

الفئة السادسة كوبيه وجران كوبيه





دي تمييزها سهل اوي علشان شريط الليدات في الجزء السفلي للفوانيس الامامية دا فير ان تصميم المقدمة انسيابي جدا وطبعا الفئة السادسة كوبيه دي 2 باب والفئة السادسة جران كوبيه 4 باب

الفئة السابعة



طبعا دي اكبر موديلات البي ام دبليو السيدان وكمان الفوانيس الامامية مقسومة نصين كل نص عامل زي نص الدايرة تقريبا وانا اسف الصورة مش موضحة الحتة دي اوي بس لو ركزتوا هتلاحظوها

الفئة الخامسة



طبعا اكيد مستغربين اني اجلت الفئة الخامسة بس انا قولتها اخر حاجة علشان مفيهاش حاجة مميزة عن باقي الموديلات !
المهم لو ملفيتش فيها مواصفات الفئة الاولى والثالثة والسادسة والسابعة تبقا اكيد الفئة الخامسة ـ مش محتاجة فكاكة ـ

خلصنا من موديلات السيدان هنخش على باقي العربيات ـ تحديدا فئات الX وانا مش هتكلم انا هسيب الصور هيا اللي تشرح وتوضح كل حاجة لان الاختلافات بينها في تصميم الفوانيس

X1



X3



X5



X6



دي اسهل واحدة من موديلات الاكس كلها لان سقفها زي ما انتوا ملاحظين منخفض وعامل زي العربيات الرياضية على الرغم انها عربية SUV من الحجم الكبير كمان

اخر عربية معانا وهيا الZ4 والشئ المميز جدا فيها ان الشبكة واسعة جدا وعريضة مقارنةً بباقي عربيات البي ام


اتمنى ان الموضوع ينال اعجابكم