[MosTafaFox]

انا عارف انى هتشتم فى الموضوع واللى هيقولك الواد اتجنن وتطلبولى السرايا الصفرا بس معلش اقرو الموضوع كله وانتو تعذرونى

بص يا سيدى بيقولك فى كوكب دبى الشقيق الناس هناك عندنا مشكلة كبيرة اوى فى الزبالة وخاصة العربيات المستعملة اللى اصحابها بيرموهو فى الشوارع ومبيسالوش عنها والموضوع ده زاد وانتشر فى المدينة وبالاخص فى الباركينج العامة الجراجات والشوارع قربت تتملى عربيات مستعملة هتقولى ببالغ صح
بيقولك بالالافاااااااااااات ومش بس عربيات مستعملة عادى لاء وكمان عربيات سبور

ايوه سبور وفخمة ورياضية ونادرة وكل حاجة من اول الفيرارى والبورشة للبى ام والمرسيدس كل ده مترمى فى الشوارع كدة وتلاقى اللى سايب رسالة اعتذار انه مقدرش يسدد القسط فسابها او فيه خبطات بسيطة فصاحبها اتخنق منها ورماها او مفيهاش اى حاجة ومتسابه والمفتاح فيها كمان !!


شكلكو لسه مش مصدقين طيب خدو ديه كمان بيقولك السنة اللى فاتت بس لقو عربية فيرارى انزو مصنع المعلم فيرارى ذات نفسه معملش منها غير 400 حتة والشرطة لقيتها مركونة بقالها شهور فى الشارع ومش عارفينلها صاحب فراحو واخدينها وحطوها هى وشوية زبالة تانية من النوعية ديه واتباعت العربيه ديه بس بمليون دولار

شوفو الصور











وعشان كده انا من هزا المزنق اعلن افتتاح شركة هندسية فنيه مهلبيه لجمع الزبالة مقرها دبى ان شاء الله واهو نساعد اشقائنا العرب على حل مشكلة كبيرة زى ديه

هاه مين جاي يشتغل معايا