بص يا عم بيتر ...
انا كنت بقرأ المشكله دى من الاعضاء اللى عندهم العربيه موديل 2013
كلهم دايما بيشتكوا من موضوع مؤشر الحراره اللى بيعلى وينزل فى اقل من دقيقه .. وانا الحمد لله عربيتى موديل 2012 ومكنش عندى المشكله دى لمدة سنه ونص .. بس من شهر تقريبا حصلت المشكله دى عندى وساعتها كنت قربت على صيانة ال 25000 كيلو فقولت استنى لحد الصيانه
ولما روحت الصيانه فى فرع القطاميه والمهندس بتاع استلام العربيه بيستلمها منى قولتله على المشكله . محسيتش ان المشكله سببت له مفاجأه ولا حاجه
حتى انه مستناش لما اكمل الشرح للأخر وراح كاتب فى امر الشغل تغيير حساس الحراره وتدعيم سلك الارضى .. فطبعا حسيت انها مشكله عامه وهما خلاص عرفوا حلها ايه وبالتالى مبقتش حاجه جديده عليهم
وفعلا بعد العربيه ما خرجت من الصيانه لقيتهم مغيرين حساس الحراره و سلك الارضى اللى هو من الفتيس لجسم العربيه ... ومن ساعتها والعربيه رجعت زى الاول الحمد لله ومشكلة الحراره دى اختفت تماما .. حتى انى لسه ضارب بيها مشوار حوالى 180 كيلو متواصل وقت الظهر و مشغل التكييف طول الرحله والحمد لله الدنيا عادى خالص ...
الخلاصه ........
متقلقش من موضوع الحراره ده لانهم خلاص عرفوا حله ازاى والعربيه هترجع زى الاول تانى
